PROVERBIOS 7:2 - Dios Rimashca Shimicunami

² Ñuca yachachishpa mandashcacunataca cambaj ñahui lulunta alli cuidaraj shina chai yuyai cazushpami, sumajta causai tucungui.

PROVERBIOS 7:2 Iomraidhean Croise

SALMOS 119:144

Ima shina causanata quiquin yachachishcacunaca huiñaita mana shujtajyangachu. Entendichihuayari, causashallami.

SALMOS 17:8

Cambaj ñahui angelta shina cuidahuayari. Cambaj alas llandushca ucullapi pacahuayari.

PROVERBIOS 4:13

Ñuca cunashcataca alli charishpa, chai yuyai cangui. Chaitaca huaquichinguitaj, chaimari canmanca causaita cunga.

PROVERBIOS 4:21

Cambaj ñahuicunatapish ama anchuchinguichu. Cambaj ucu shungupi huaquichishpa charingui.

PROVERBIOS 4:4

Chaimantami ñuca yayaca cashna yachachij carca: “Ñuca cushca yuyaicunataca cambaj shungupi charingui. Ñuca mandashcacunata cazushpami, sumajta causangui.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

JEREMÍAS 38:20

Shina nijpimi, Jeremiasca cashna nirca: –Mana paicunapaj maquipi churangacunachu. Ñucaca Mandaj Dios huillachun nishcatamari huillani, chaita uyayari. Chaita uyashpaca mana ima tucunguichu, allimi causangui.

LEVÍTICO 18:5

Ñuca chaitataj pajtachichun nishcacunata, mandashcacunatapish pajtachinguichij. Chai mandashcacunata pajtachijcunami causanga. Ñucami Mandaj Dios cani.

ZACARÍAS 2:8

Tucuita Mandaj Diosca cashnami nin: “Ñucataca jatunyachishca q'uipami, cancuna imalla charishcacunata quichujcunapaj llajtacunamanca cachanga. Maijanpish cancunata llaquichishpaca, paipaj ñahuita ricucujta tujsicuj shinami llaquichicun.

Juan 14:21

Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

Juan 15:14

Ñuca ima shina mandashca shinatataj rurashpaca, ñucahuan alli apanacujcunami canguichij.

DEUTERONOMIO 32:10

Paicunataca shitashca pambapimi japimurca. Imapish mana tiyan llajtapimi japimurca. Paipaj quiquin ñahuita shinami ugllashpa cuidarca. Paipaj quiquin ñahuita shinami huaquichirca. Chashnami cuidashpa yachachirca.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.