PROVERBIOS 7:1 - Dios Rimashca Shimicunami

¹ Ñuca huahualla, ñuca cushca yuyaicunataca, huaquichishpataj causangui. Ñuca mandashcacunataca, curita shina huaquichingui.

PROVERBIOS 7:1 Iomraidhean Croise

JOB 22:22

Cunanca paipaj shimihuan mandashcataca chasquiyari. Paipaj shimicunataca cambaj shungupi huaquichiyari.

PROVERBIOS 1:8

Ñuca huahualla, alli causanata cambaj yaya yachachishcataca alli uyayari. Cambaj mama yachachishcatapish ama mana uyasha nichu.

PROVERBIOS 10:14

Yachaisapacunaca alli yachashcataca, shungupimi huaquichincuna. Ashtahuanpish rumi shungu runapaj shimica, ñapish ima llaquipi churanllami.

PROVERBIOS 3:1

Ñuca huahualla, ñuca yachachishcataca, ama cungaringuichu. Ñuca mandashcacunatapish cambaj shungupi huaquichingui.

PROVERBIOS 4:21

Cambaj ñahuicunatapish ama anchuchinguichu. Cambaj ucu shungupi huaquichishpa charingui.

PROVERBIOS 5:5

Paipaj chaquica huañuimanmi uriyacun, Seolmanmi chayagricun.

PROVERBIOS 6:20

Ñuca huahualla, cambaj yaya mandashcataca cazungui. Cambaj mama yachachishcatapish, amataj cungaringuichu.

PROVERBIOS 6:35

Canta ama huañuchichun imata cusha nijpipish, manataj chasquingachu. Caita chaita cusha nijpipish, manataj perdonangachu.

Lucas 11:28

Shina nijpi Jesusca: –¡Diospaj Shimita uyashpa cazujcunami, ashtahuan cushichishcacuna!– nirca.

Lucas 8:15

Ashtahuanpish alli allpa shinaca, tucui shunguhuan, tucui munaihuan huillashca Shimita uyashpa, mana cungarishpa chaitataj rurashpa granoshcata ricuchijcunami.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 15:20

“Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

DEUTERONOMIO 11:28

Manapish cancunapaj dios shujtajcunapaj dioscunata catishpa chaicunata catingapaj, Mandaj Dios cancunapaj Taita Dios mandashcacunata mana cazushpa, cunan ñuca yachachishca shina mana purishpaca llaquicunatami chasquinguichij.

Apocalipsis 1:3

Chai huillashca pajtana punllacunaca ñallami chayamucun. Imalla tucuna cashcata quillcashcata rezajpish, uyajcunapish chaipi imalla nishcata cazujcunapish cushichishcami canga.

Apocalipsis 22:9

Chaipimi paica: “¡Riqui, ama chashna ruraichu! Ñucapish can shina, cambaj huauqui profetacuna shina, cai libropi quillcashcata tucui cazujcuna shinallataj Diospajta rurajllami cani. ¡Diosta adorai!” nircami.