PROVERBIOS 6:3 - Dios Rimashca Shimicunami

³ Shujtajpaj maquipimari yaicushcangui. Cashna rurashpa, utca cachaririyari ñuca huahua: Canhuan apanacujpajman ri, sumajta yuyarinacushpa, chai divitaca paipaj umallapitaj saquishpa cachariri.

PROVERBIOS 6:3 Iomraidhean Croise

2 SAMUEL 24:14

Chaimi Davidca, Gad runataca: –Jatun llaquipimari cani. Mandaj Diosca yallitaj c'uyaj cashcamanta paipaj maquipi urmanatami munani. Runacunapaj maquipica mana urmasha ninichu– nirca.

2 CRÓNICAS 12:5

Chaimi profeta Semaiasca, Roboampajman rirca. Jatun mandaj Sisac macanacunaman shamushcamantami, Judá llajtapi causajcunata tucui mandajcunapish, Jerusalenpi Roboamhuan tandanacushcacuna carca. Tucui paicunatapish, Roboamtapishmi Semaiasca cashna nirca: –Mandaj Diosca cashnami nin: Cancunami ñucamanta anchurircanguichij. Chaimantami cunanca ñucapish cancunataca, Sisacpaj maquipi churagrini ninmi– nircami.

2 CRÓNICAS 36:12

Sedequiasca paita Mandaj Diospaj ñaupajpica, millaitami rurashpa rurarca. Mandaj Dios ima nishcata huillaj Jeremiasca, paimanca Diosllataj huillachun nishcatami huillaj carca. Shina cajpipish, paica mana llaquirircachu.

SALMOS 31:8

P'iñajpaj maquipica mana churarcanguichu. Ñucataca ancho pambapimi shayachircangui.

ÉXODO 10:3

Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

PROVERBIOS 6:2

Chaita ari nishca cashpaca, quiquin shimihuanmi huatashca shina prezu saquirishcangui.

PROVERBIOS 6:4

Ashallatapish ama uniyashpa, ñahui quimllaillatapish amaraj dormishpa chaitaraj utca allichigri.

Santiago 4:10

Jatun Diospaj ñaupajpica, ama jatun tucuichijchu. Paimi cancunataca jatunyachinga.