PROVERBIOS 5:3 - Dios Rimashca Shimicunami

³ Shujtaj huarmica mishquijlla shimicunahuan inquitajmi. Pai rimashcaca aceitetapish yalli llambujllami.

PROVERBIOS 5:3 Iomraidhean Croise

SALMOS 55:21

Pai rimashcacunaca mantequilla shina sumaj cashpapish, paipaj shungupica macanacuna yuyaillami tiyan. Rimashcacunaca aceitetapish yalli sumajtami nuyuchin. Ashtahuanpish paica lluchulla espada shinami.

PROVERBIOS 2:16

Cai shimicunallatajmi cantaca, shujtaj huarmicuna mishquijlla shimicunahuan inquitashpa urmachinamanta huaquichinga.

PROVERBIOS 22:14

Huainayaj millai huarmi rimashca shimicunaca, urmana jatun jutcu shinami. Mandaj Dios p'iñashcacunami chai huarmihuan juchapi urmancuna.

PROVERBIOS 5:20

Ñuca huahualla, imamanta mana shujtaj huarmihuanca churarinachu cangui. Ñahui mana ricuj shinaca, shujtaj huarmipaj chuchutaca ama ugllaringuichu.

PROVERBIOS 6:24

Chaimari huainayaj shujtaj huarmicuna mishquijlla shimicunahuan inquitanamantaca huaquichinga.

PROVERBIOS 7:21

Chashna mishquijlla shimicunahuan inquitacushpallami, chai mosotaca mana uyacujta ari nichishpataj alli carca.

PROVERBIOS 7:5

Chashna rurajpimi cai shimicunaca, huainayaj huarmicuna sumaj shimicunahuan inquitanamanta huaquichinga.

ECLESIASTÉS 7:26

Caitapishmi ricurcani: Trampa shina, urmachij linchi shina shunguta charij, c'uyaj tucushpa ugllarij huarmica huañuitapish yalli jayajmi. Diosta cushichij runaca, chashna huarmipaj maquimantaca quishpirinmi. Ashtahuanpish millaita ruraj runaca, chai huarmihuanca linchipi shina urmangallami.

CANTARES 4:11

Ñuca c'uyashca huarmilla, cambaj shimimantaca sacha chuspi huachashca mishqui llujshicuj shinamari. Cambaj c'allupica, sacha chuspi huachashca mishquipish, lechepishmari tiyan. Cambaj churanacunapish Líbano shinamari mishquiman ashnacun.