PROVERBIOS 5:2 - Dios Rimashca Shimicunami

² Chashnami ñuca cunashcataca huaquichingui. Cambaj shimihuanpish alli yachanatami rimangui.

PROVERBIOS 5:2 Iomraidhean Croise

SALMOS 119:13

Quiquinpaj shimihuan tucui imallata mandashcataca, ñuca shimihuanmi huillarcani.

SALMOS 45:2

Tucui c'aricunata yalli sumajmi cangui. Quiquinpaj shimimantaca sumaj shimicunami talliricun. Chaimantami Taita Diosca quiquintaca huiñaipaj alli nishca.

SALMOS 71:15

Ñuca shimica quiquin cashcata rurashcatami huillanga. Quiquin rurashcacuna mashna cashcatapish mana yachanichu. Shina cashpapish quishpichinapaj quiquin rurashcacunataca tucui punllami huillacushalla.

PROVERBIOS 10:21

Cashcata ruraj runaca paipaj shimihuanca, achcacunatami michin. Ashtahuanpish rumi shungucunaca, yuyaita mana japishcamantami huañuncuna.

PROVERBIOS 15:2

Yachaisapacunapaj shimica alli yachaicunatami sumajta riman. Ashtahuanpish rumi shungucunaca, manapish canatami rimancuna.

PROVERBIOS 15:7

Yachaisapacunaca, alli yachaitami muyuta shina tarpuncuna. Ashtahuanpish rumi shungucunaca, mana chashna yuyanchu.

PROVERBIOS 16:23

Yachaisapa runapaj shungumantaca, shimimanpish alli yuyaita cuj shimicunami llujshin. Paicuna rimashca shimicunaca, pipajpish uyanajllami.

PROVERBIOS 20:15

Curipish, achij nicuj sumaj rumicunapish achcami tiyan. Alli yuyaiyujcunapaj shimicarin, achca valij charinamari.

PROVERBIOS 3:21

Ñuca huahualla, caicunataca pajta cambaj ñahuimanta anchuchinguiman. Mandashcatapish, cunashcatapish huaquichingui.

CANTARES 4:11

Ñuca c'uyashca huarmilla, cambaj shimimantaca sacha chuspi huachashca mishqui llujshicuj shinamari. Cambaj c'allupica, sacha chuspi huachashca mishquipish, lechepishmari tiyan. Cambaj churanacunapish Líbano shinamari mishquiman ashnacun.