PROVERBIOS 4:7 - Dios Rimashca Shimicunami

⁷ Tucui imata rurangapajpish alli yachaitaraj mashcangui. Cambaj ima charinacunamanta puntaca, alli yuyaitaraj japingui.

PROVERBIOS 4:7 Iomraidhean Croise

2 CRÓNICAS 1:10

Cai tucuicunapaj ñaupajpi tiyashpa mandai tucungapajca canllataj yachaisapa cantapish, alli yuyaitapish cuhuaiyari. Can agllashca yallitaj achcacunataca pitaj mandai tucungari” nircami.

SALMOS 119:104

Quiquin mandashcacunapimi alli yuyaita japircani. Chaimantami tucui llulla ñantaca p'iñarcani.

PROVERBIOS 16:16

Alli yachaita japinaca cullquita japishcatapish yallimi. Alli yuyaita japinaca, curita japishcatapish yallimi.

PROVERBIOS 2:4

Cullquita mashcaj shina, pacashca tiyacuj ima sumaj charinacunata mashcaj shina tucui yuyaihuan mashcangui.

PROVERBIOS 21:6

Umashpalla jahuanpi jahuanpi charijyajcunaca, huañuitami mashcancuna. Chai charinacunapish samai shina chingarinllami.

PROVERBIOS 23:23

Mana llullaj shimitapish, alli yachaitapish, alli yuyaitapish yachachishcataca randishpa ama tigra c'atungui.

PROVERBIOS 4:5

Ñuca yachachishcacunataca amataj cungaringuichu, amataj saquinguichu. Chashnami alli yachaitapish, alli yuyaitapish ashtahuan japingui.

PROVERBIOS 8:23

Cai pacha manaraj tiyajpimi, tucui ima callarijpajpish, ñucami mandanata charircani.

ECLESIASTÉS 4:8

Maijanca paihuan apanacujtapish, huahuacunatapish, huauquillatatajpish mana charinchu. Pai charishcacunata piman saquipaj mana tiyajpipish, manataj samarinchu, mashnata charishpapish, mana chaillahuan cushicunchu. Shinallataj: “¿Piman saquingapajtaj cashna trabajacunilla? ¿Imamantataj mana samarinillapish?” nishpa mana yuyarinllapishchu. Chaipish yangallami. Ashtahuanpish llashajta aparishca causashca shinami.

ECLESIASTÉS 7:12

Yachaica escudo shina huaquichijmi, cullquipish escudollatajmi. Shina cashpapish yachaica yachaj runamanca causaita cuj cashcamantaca, cullquita yallimari.

Lucas 10:42

Ashtahuanpish shujllata ruranamari alli. Mariaca ashtahuan allitami agllashca, chaitaca pi mana quichungachu– nirca.

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.

Filipenses 3:8

Cristo Jesús ñucata Mandajta rijsishcamantami, tucui chaicunataca yangataj cashcata yachani. Paita c'uyashcamantami tucuita chingachircani. Cristo ñucapi cachunmi, tucui chaicunataca ñucu shinata rurarcani.