PROVERBIOS 4:5 - Dios Rimashca Shimicunami

⁵ Ñuca yachachishcacunataca amataj cungaringuichu, amataj saquinguichu. Chashnami alli yachaitapish, alli yuyaitapish ashtahuan japingui.

PROVERBIOS 4:5 Iomraidhean Croise

2 CRÓNICAS 34:2

Josiasca paipaj ñaupa yaya David purishca shinallataj purishpami Mandaj Diospaj ñaupajpica, ima pandata mana rurarca. Alli ladomanpish, lluqui ladomanpish mana anchurircachu.

JOB 23:11

Ñucaca pai sarushcapimi sarushpa catircani. Pai mandashcatapish huaquichircanimi. Paimantaca manataj caruyarcanichu.

SALMOS 119:157

Ñucata catirashpa llaquichijcunaca, ñucata p'iñajcunaca achcacunamari. Ashtahuanpish ima shina causanata quiquin yachachishcacunamantaca manataj anchurircanichu.

SALMOS 119:51

Jatun tucushcacunaca ñucataca yallitajmari chanzata rurarcacuna. Shina cajpipish, quiquin mandashcamantaca manataj anchurircanichu.

SALMOS 44:18

Ñucanchij shungupish mana huashaman tigrarishcachu. Ñucanchij chaquicunapish quiquinpaj ñanmantaca mana anchurishcachu.

PROVERBIOS 16:16

Alli yachaita japinaca cullquita japishcatapish yallimi. Alli yuyaita japinaca, curita japishcatapish yallimi.

PROVERBIOS 17:16

Rumi shungu runaca alli yachaj cangapaj, achca cullquita cushpapish, yuyaita mana japishcamantaca, mana yachai tucunchu.

PROVERBIOS 18:1

Pandarishpa causajcunaca quiquin yuyashcallatami rurashpa causan. Tucui imapipish satirishpami purin.

PROVERBIOS 19:8

Maijanpish yuyaita japijca, quiquin causaita c'uyanmi. Alli yuyaita huaquichijca, allita japingami.

PROVERBIOS 23:23

Mana llullaj shimitapish, alli yachaitapish, alli yuyaitapish yachachishcataca randishpa ama tigra c'atungui.

PROVERBIOS 3:1

Ñuca huahualla, ñuca yachachishcataca, ama cungaringuichu. Ñuca mandashcacunatapish cambaj shungupi huaquichingui.

PROVERBIOS 4:7

Tucui imata rurangapajpish alli yachaitaraj mashcangui. Cambaj ima charinacunamanta puntaca, alli yuyaitaraj japingui.

PROVERBIOS 8:5

Yachai illajcuna, alli yuyaita japichij. Rumi shungucunapish, alli yuyaita japichij.

Santiago 1:5

Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.