PROVERBIOS 4:4 - Dios Rimashca Shimicunami

⁴ Chaimantami ñuca yayaca cashna yachachij carca: “Ñuca cushca yuyaicunataca cambaj shungupi charingui. Ñuca mandashcacunata cazushpami, sumajta causangui.

PROVERBIOS 4:4 Iomraidhean Croise

GÉNESIS 18:19

Abrahamtaca paipaj huahua huahuacunatapish, chaicunapaj huahua huahuacunatapish Mandaj Dios mandashcacunataca cashcata rurashpa causanata, pai nishca shinataj rurashpa pajtachina cashcata yachachinataca yachanimi. Abrahamca Mandaj Dios paiman cusha nishcacunata pajtachichunmi chashna rurana can” nircami.

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

SALMOS 119:11

Ama juchallishpa quiquinta p'iñachingapajca quiquin imalla nishcacunataca ñuca shungupimi huaquichircani.

SALMOS 119:144

Ima shina causanata quiquin yachachishcacunaca huiñaita mana shujtajyangachu. Entendichihuayari, causashallami.

SALMOS 119:168

Quiquin mandashcacunata, ima shina causanata quiquin yachachishcacunatami pajtachircani. Tucui ñuca purishcacunaca quiquinpaj ñaupajpimi.

PROVERBIOS 22:6

Cambaj huahuataca uchilla cajpiraj, alli yachachingui. Chashna yachachijpica, yuyajyashpapish manataj cungaringachu.

PROVERBIOS 23:26

Ñuca huahualla, cambaj shungutaca ñucaman cuhuayari. Cambaj ñahuihuanca ñuca ima shina causajta chaparaiyari.

PROVERBIOS 3:1

Ñuca huahualla, ñuca yachachishcataca, ama cungaringuichu. Ñuca mandashcacunatapish cambaj shungupi huaquichingui.

PROVERBIOS 3:2

Chashna rurashpami, uni huatacunata sumajta causangui.

PROVERBIOS 7:2

Ñuca yachachishpa mandashcacunataca cambaj ñahui lulunta alli cuidaraj shina chai yuyai cazushpami, sumajta causai tucungui.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

JEREMÍAS 38:20

Shina nijpimi, Jeremiasca cashna nirca: –Mana paicunapaj maquipi churangacunachu. Ñucaca Mandaj Dios huillachun nishcatamari huillani, chaita uyayari. Chaita uyashpaca mana ima tucunguichu, allimi causangui.

Juan 12:50

Pai mandashcaca, huiñai causaipaj cashcataca yachanimi. Chaimi ñuca rimashpaca, ñuca Yaya ñucata mandashca shinallataj rimani” nircami.

Efesios 6:4

Shinallataj yaya mamacuna, cancunapaj huahuacunata ama p'iñachichijchu. Chaipaj randica, ima shinapish llaquichishpa, cunashpa Mandaj Jesús munashca shina huiñachichij.

DEUTERONOMIO 4:9

Chaimanta cancuna cancunapaj ñahuihuan imallata ricushcata tucui cancunapaj causaipi ama cungaringapaj, chaicunamanta ama anchuringapajca cancunapaj shungupi yuyaipi huaquichinguichij. Ashtahuanpish chaicunataca cancunapaj huahuacunaman, cancunapaj huahuacunapaj huahuacunamanpish yachachinguichij.

DEUTERONOMIO 6:6

Cunan ñuca canman imalla yachachishcacunataca cambaj shungupi alli huaquichingui.

2 Timoteo 1:5

Canca mana nij tucushcalla crijtaj cashcatami yuyarini. Cambaj abuela Loida, cambaj mama Eunicerajmi alli crij carca. Canpish chashnallataj cana cashcatami yachani.

2 Timoteo 3:15

Canca huahuamanta pachami, Diospaj Quillcacunataca yachangui. Chaicunami Cristo Jesusta crishpa quishpirichun, cantaca yachajta rurai tucun.

Hebreos 5:9

Chashna tucuita pajtachij cashpami, paita tucui cazujcunapajca huiñaipaj Quishpichij tucurca.

JUECES 13:12

Manoaca: –Can nishca shina pajtajpica, chai huahuaca ¿ima shinataj causana can? Ñucanchijpish paihuanca ¿ima shinataj cana canchij?– nishpami tapurca.