PROVERBIOS 4:1 - Dios Rimashca Shimicunami

¹ Huahuacuna, cancunapaj yaya yachachishcata uyaichij. Tucui yuyaihuan uyashpami, alli yuyaiyuj canataca yachanguichij.

PROVERBIOS 4:1 Iomraidhean Croise

GÉNESIS 49:2

Jacobpaj churicuna c'uchuyamuichij, uyaichij. Cancunapaj yaya Israelta uyaichij.

SALMOS 34:11

Shamuichij huahuacuna, ñucata uyaichij. Cancunamanca Mandaj Diosta manchanatami yachachigrini.

PROVERBIOS 1:2

Cai shimicunaca imapipish alli yachachishcata yachachun yuyaita pascajmi. Alli yuyaiyujta ruraj yuyaicunata ricuchijmi.

PROVERBIOS 1:8

Ñuca huahualla, alli causanata cambaj yaya yachachishcataca alli uyayari. Cambaj mama yachachishcatapish ama mana uyasha nichu.

PROVERBIOS 13:1

Yachaisapa churica, yaya cunashcata cazunmi. Ashtahuanpish chanzata ruraj churica, mashnata jarcajpipish manataj uyanchu.

PROVERBIOS 19:20

Cunashcatapish uyangui, alli tucuchun rimashcatapish chasquingui. Chashnami ña yuyaj cashpaca, yachaisapa cangui.

PROVERBIOS 22:17

Yachaisapacuna yachachishca shimicunataca, tucui yuyaihuan uyangui. Ñuca cushca alli yachaitapish, tucui shunguta churashpa yachangui.

PROVERBIOS 5:1

Ñuca huahualla, ñuca alli yachaitaca yuyaita churashpataj uyairi. Ñuca alli yuyaita cushcaman cambaj rinrinta mañachiyari.

PROVERBIOS 7:4

Cai alli yachaitaca, ñuca panimi cangui niyari. Alli yuyaitaca, ñuca huasi ucupurami cangui niyari.

JEREMÍAS 35:8

Recabpaj churi ñucanchij ñaupa yaya Jonadab imallata mandashcatamari tucuita pajtachishpa causanchij. Ñucanchijca pai mandashca shinallataj ñucanchij huarmicunapish, ñucanchij churicunapish, ushushicunapish vinotaca manataj ubyanchijchu.

Hebreos 2:1

Chaimanta ñanta chingachij shina ama pandaringapaj ñucanchij imata uyashcataca ashtahuan chai yuyailla catirashunchij.