PROVERBIOS 3:9 - Dios Rimashca Shimicunami

⁹ Can imalla charishcacunahuanpish, Mandaj Diosta jatunyachingui. Cambaj chagracunapi punta p'ucushca tucui granocunamantapish paimanraj cungui.

PROVERBIOS 3:9 Iomraidhean Croise

GÉNESIS 28:22

Taita Dios caipi cashcata ricuchij cachun ñuca caipi churashca rumi tiyacunpish, Taita Diospaj huasimi canga. Tucui imallata Dios ñucaman cushcacunamantapish, chungamanta shujta ch'icanchishpa cucushallami” nircami.

2 CRÓNICAS 31:10

Pai tapujpica, Sadocpaj huahua huahuapura curacunata mandaj Azarías curami cashna huillarca: “Mandaj Diospaj huasipica, ñucanchijman cuna cashca granocunata apamui callarishca punllamanta cunancama micunataca pajtatami charinchij. Achca sobranpishmari. Mandaj Dios pai agllashcacunata bendiciashcamantami, paicuna cushcacunaca cai tucui achca sobrashca” nircami.

2 CRÓNICAS 31:21

Mandaj Dios paihuan cachunmi paipaj huasipi paipajta rurachunca, Dios mandashcapi nicushca shinataj allichirca. Tucui shunguhuantaj Diosta mashcashpa chaita rurashcamantami, tucuita alli allichirca.

SALMOS 144:13

Ñucanchij granocunata huaquichinacunaca tucui laya granocunahuan junda cashca cachun. Ñucanchij animalcunapish huaranga huaranga mirarishca cachun. Ñucanchij michina pambacunapica chunga cutinhuan huaranga huaranga mirarishca cachun.

ÉXODO 22:29

Cancunapaj chagrata punta cozichashcacunata, punta capishca vinotapish ama uniyashpa apamunguichij. Cancunapaj punta churitapish ñucaman cunguichij.

ÉXODO 23:16

Cancuna tarpushca chagracunapi punta p'ucushcata cozichana jatun fiestata ruranatapish ama saquinguichijchu. Cambaj tarpushca chagrata ña tucui cozichashca chai huata cozicha tucuri jatun fiestatapish ruranguichijtaj.

ÉXODO 23:19

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apamunguichij. Malta chivo aichata sumaj micunata ruracushpaca ama paipaj mamapaj lechellapitaj yanunguichu.

ÉXODO 34:26

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apanguichij. Malta chivopaj aichataca paipaj mamapaj lechellapitajca ama yanunguichu” nircami.

PROVERBIOS 11:25

Shujtajcunapaj allita rurajcunaca charijyancunami. Shujtajcunaman carajcunaca, paicunapish chasquincunami.

PROVERBIOS 14:31

Huajchata llaquijca, paita Ruraj Diostamari cushichin. Ashtahuanpish p'iñashpa llaquichijca, paita ruraj Diostamari llaquichin.

ISAÍAS 43:23

Tucuita cushpa rupachina animalcunatapish ñucaman cungapaj mana apamurcanguichijchu. Animalcunata cushpa rurachishpa adoranatapish mana adorarcanguichijchu. Ñucaman cuna cashcacunahuanpish ñucapajta rurachun mana mañarcanichu. Inciensota cuchun nishpapish mana shaicuchircanichu.

LEVÍTICO 19:25

Ña pichca huata tucujpi chai yurapi p'ucushcacunataca micunguichij. Chai yuracunapi ashtahuan ñuca p'ucuchichunmi chashna micuna canguichij. Ñucami Mandaj Dios cancunapaj Taita Dios cani.

NÚMEROS 15:20

Trigota trillashpa ñucamanraj cuj shinallataj, punta trigo cutata masashpaca, chai masamanta punta rurashca tortataca ñucamanraj cunguichij.

Mateo 25:17

Ishqui talentota chasquijpish, shujtaj ishqui talentohuanmi mirachirca.

1 Corintios 16:2

Ñuca chayajpi ofrendata ama tandana tucuchunca, cada quiquin ima shina japishca shinallataj, cada semana callari punllapi ch'icanchishpa huaquichichij.

DEUTERONOMIO 14:29

Cancunapurapi ima allpata mana charij levitacuna, shujtaj pueblomanta shamushcacuna, yaya mama illajlla huahuacuna, cancuna causacunpi tiyaj viudacunami chai micunata micungapaj cancunapajman shamushpa huijsa pajtata micungacuna. Cancunapaj maquihuan imata rurajpipish chaipi Mandaj Dios allicunata cuchunmi chashna rurana canguichij.