PROVERBIOS 3:7 - Dios Rimashca Shimicunami

⁷ Canllataj yachaisapa cashcataca, ama yuyanguichu. Ashtahuanpish Mandaj Diosta manchashpa, tucui millaimanta anchuringui.

PROVERBIOS 3:7 Iomraidhean Croise

2 SAMUEL 12:20

Chaimi Davidca, pambamanta jatarishpa armashpa mishquijllata ashnacujcunahuan churarishpa, shujtaj churanata churarishpa Mandaj Diospaj huasiman yaicushpa, paita adorarca. Chai q'uipaca paipaj huasiman shamushpa, micunata mañajpi micunata cujpica micurcami.

NEHEMÍAS 5:15

Ashtahuanpish ñucapaj ñaupa mandajcunaca, chuscu chunga yalli siclo cullquita cobrashca jahuami israelcunataca micunamantapish, vinomantapish mañashpa llaquichijcuna carca. Chai jahuami paipajta rurajcunapish israelcunata yallitaj llaquichishpa mandajcuna carca. Ñucaca Taita Diosta manchaj cashcamanta mana chashna rurarcanichu.

JOB 1:1

Uz llajtapimi Job shuti runa causarca. Paica, ima pandata mana ruraj, allita ruraj, Diostapish manchaj, millaita ruranatapish p'iñajmi carca.

JOB 28:28

Chaimantaca runamanca: Alli yachaica Jatun Diosta manchanami. Alli yuyaica millaimanta anchurinami nishcami nircami.

ÉXODO 20:20

Shina nijpi Moisesca israelcunamanca: –Ama manchaichijchu, Taita Diosca paita manchashpa ama juchallichun cazujta mana cazujta ricungapajmari shamurca– nircami.

PROVERBIOS 14:16

Yachaisapa runaca millaita ruranataca, manchashpa jarcarinmi. Ashtahuanpish ch'ahuanyashca runaca millaita rurashpapish, mana manchashpa jatun tucushpami purin.

PROVERBIOS 14:27

Mandaj Diosta manchanaca, causaita cuj yacu shinamari. Paita cazujcunaca, huañuchij linchipi urmanamanta quishpichijmi.

PROVERBIOS 16:6

Juchata ruracujtaca llaquishpa allita rurana yuyaihuanmi jarcan. Maijanpish Mandaj Diosta manchashpami, millai causaimantaca anchurin.

PROVERBIOS 23:4

Ama charij tucuna yuyailla caichu. Chaita saquishpa alli yuyaita japiyari.

PROVERBIOS 26:12

Paipaj quiquin yuyaipi ¿yachaisapamari cani nirij runataca imallatapish rurajta ricushcanguichu? Chaipaj randica, rumi shungu runarajmi imallatapish ruranman.

PROVERBIOS 26:5

Paipaj quiquin yuyaipi, ama yachaisapami cani yuyachunca, rumi shungu runataca pai upallanata rimangui.

PROVERBIOS 28:11

Charij runaca jatun yachajmi cani yuyanmi. Ashtahuanpish huajcha runalla cashpapish, yuyaisapa cashpaca, pai imata yuyacujtaca ricunllami.

PROVERBIOS 28:26

Quiquin yuyashcallapi shunguta churaj runaca rumi shungu runami. Ashtahuanpish alli yachaihuan causajca, ima llaquimantapish quishpiringami.

PROVERBIOS 8:13

Mandaj Diosta manchanaca tucui mana allita p'iñanamari. Quiquinlla alli cashcahuan jatun tucujcunata, millaita rurashpa purijcunata, millaita rimajcunataca p'iñanimi.

ECLESIASTÉS 12:13

Cai tucuita yachachishca q'uipa, ña tucuchingapajca caitami nini: Diostaca manchashpa cazungui, pai mandashcacunatapish pajtachingui. Cai pachapi causajcunapajca, tucuimanta yalli allica chaimi.

ISAÍAS 5:21

Paicunapaj quiquin yuyaillapi yachajmi canchij yuyajcunalla. Alli yuyaiyujcunami canchij yuyajcunalla. ¡Aij, imachari tucungacuna!

Romanos 11:25

Huauquicuna, pacalla cashcata yachachunmi munani. Cancunallataj ama yalli jatun tucuchunmi cashna nini: Crij tucuna caj mana israelcuna tucuicuna crij tucungacamami, maijan israelcunaca mana crishpa sinchi shungu cangacuna.

Romanos 12:16

Cancunapurapica shuj shinalla caichij, ama jatun tucuichijchu. Ashtahuanpish mana jatun tucushcacunahuan tandanacuichij. Quiquin yuyaillapica, yachajmi canchij ama yuyaichijchu.