PROVERBIOS 3:6 - Dios Rimashca Shimicunami

⁶ Imata rurangapajpish, Diosta yuyaipi charingui. Paimi cantaca alli ñanta pushanga.

PROVERBIOS 3:6 Iomraidhean Croise

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

ESDRAS 7:27

Jerusalenpi caj Mandaj Diospaj huasita sumajta shayachichun jatun mandajman yuyaita cuj ñucanchij ñaupa yayacunapaj Mandaj Diosca alli nishca cachun.

NEHEMÍAS 1:11

Mandaj Dios quiquintami rogani. Cambaj shutita alli nina yuyaihuan cajcunataca cambajta ruraj ñuca mañashcatapish, cambajta ruraj caishujcuna mañashcatapish uyahuai. Cambajta ruraj ñuca jatun mandajpaj ñaupajpi alli ricurichun ayudahuai” nishpami Diosta mañarcani. Chai punllacunaca ñucaca jatun mandajman vinota pasachijmi carcani.

NEHEMÍAS 2:4

Shina nijpi jatun mandajca: ¿Imatataj rurachun ningui?– nijpi, ñucaca jahua pacha Diosta mañashpami,

NEHEMÍAS 7:5

Chai q'uipaca Taita Diosmi jatuncunatapish, mandajcunatapish, tucui israelcunatapish tandachishpa, paicunapaj ñaupa yayacunamanta mirarishca cada familiapaj shuticunata quillcanata ñuca shungupi yuyachirca. Chaipica ñaupaman Babiloniamanta tigramuj yayacunapaj shuticunata, cashna quillcashca shuj librotami japircani:

SALMOS 32:8

Shina nijpi Mandaj Diosca: Can mai ñancunallata purinataca ñucami entendichisha, ñucami yachachisha. Ñuca ñahuitaca canmanta manataj anchuchishachu.

PROVERBIOS 11:5

Ima pandata mana rurajtaca, cashcata pai rurashcallatajmi causaipica alli pushan. Ashtahuanpish Diosta mana manchaj runaca, paillataj mana manchashcamantami urmanga.

PROVERBIOS 16:3

Can imata ruranataca Mandaj Diospaj maquipi mingai. Paimi can yuyacushcataca, chashnataj rurachinga.

PROVERBIOS 16:9

Runacuna shungupi imata yuyarijpipish, Mandaj Diosmi pai munashca shina pushan.

PROVERBIOS 23:17

Juchasapacuna imallata charishcataca, shungullapipish amataj munanguichu. Ashtahuanpish cambaj tucui causaipi Mandaj Diosllata manchangui.

ISAÍAS 26:7

Cashcata rurajpaj ñanca mana pandachu. Quiquinca ima pandata mana ruranguichu. Cashcata rurajpaj ñantaca llambuyachinguimi.

ISAÍAS 30:21

Cancunapaj rinrincunaca cancunapaj huashamantaca: “Caimari ñan, paillapi purichij. Alli ladomanpish, lluqui ladomanpish ama llujshinguichijchu” nishca shimicunatami uyanguichij.

ISAÍAS 45:13

Ciromanca ñucami allita rurana yuyaita curcani. Llaquichina yuyailla cajtapish ñucami allichircani. Paimi ñuca pueblotapish cutin shayachinga. Ima cullquita, ima camarita mana japishpami, ñuca agllashcacunata prezu apashcacunataca tigrachishpa cachanga” ninmi tucuita Mandaj Diosca.

ISAÍAS 48:17

Mandaj Dios canta Quishpichij, Israelpaj jucha illaj Diosca cashnami nin: “Ñucaca Mandaj Diosmi cani. Cambaj allipaj yachachij cambaj Diosmi cani. Can catina ñanta yachachij Diosmi cani.

JEREMÍAS 10:23

Mandaj Dioslla, runapaj causaica mana paipajchu. Pipish quiquin causaitaca mana mandai tucunchu.

JEREMÍAS 42:3

Paita mañajpimari, canta Mandaj Diosca ñucanchijmanca maiman rinata ricuchinga, imata ruranatapish huillanga– nircacunami.

NÚMEROS 9:20

Diospaj carpa huasi jahuapi p'uyu asha punllacunallata cajpica, israelcunapish Mandaj Dios mandashca shinallataj asha punllacunallatami chaipi caj carca. Mandaj Dios richun nijpica, rijcunallami carca.

1 Corintios 10:31

Micushpapish, ubyashpapish, tucui imata rurashpapish, Diosta jatunyachingapaj ruraichij.

2 Corintios 8:16

Cancuna yuyailla ñuca cashca shinallataj, Titomanpish yuyaita cushcamantami, Diostaca pagui nini.

Filipenses 4:6

Imamantapish ama llaquilla canguichij. Ashtahuanpish Diosta mañacushpaca paiman tucuita huillaichij. Tucui imamantapish Diosta mañashpaca pagui nichij.

Colosenses 3:17

Tucui imata rimashpapish, rurashpapish Mandaj Jesuspaj shutipi tucuita ruraichij. Paillamantataj Dios Yayataca pagui nichij.

Colosenses 3:23

Tucui imata rurashpapish, runacunapajta shinallaca ama ruraichijchu. Ashtahuanpish Mandaj Jesuspajta shina shungumanta ruraichij.

Santiago 1:5

Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.

1 SAMUEL 30:8

Chaipimi Davidca: –¿Prezu apashpa ricujcunataca catishpa rishachu? ¿Paicunataca cati japishachu?– nishpa Mandaj Diosta tapujpi paica: –Catishpa rilla. Cati japinguitajmi. Paicunataca prezushpa apacushcamanta quishpichinguitajmi– nirca.