PROVERBIOS 3:5 - Dios Rimashca Shimicunami

⁵ Mandaj Diospi cambaj tucui shunguta churangui. Ama can alli yuyaiyuj cashcallapi shunguta churanguichu.

PROVERBIOS 3:5 Iomraidhean Croise

ESDRAS 8:23

Ashtahuanpish ñucanchijca ñanpi alli pushachunca Diostami ayunashpa mañarcanchij. Paica ñucanchij mañashcata uyarcami.

JOB 13:15

Riquichij, pai huañuchina cajpipish, paillapimi shuyanataca charini. Shina cajpipish ñucaca paipaj ñaupajpica, ñuca causaita ricuchishpa mitsarishatajmi.

SALMOS 125:1

Mandaj Diospi shunguta churajcunaca Sión urcu shinami. Chai urcuca maiman mana cuyurishpa chaillapitaj huiñaipaj caj shinami.

SALMOS 37:3

Mandaj Diospi shunguta churai, imatapish allita rurai. Quiquin llajtapimi causangui. Cashcata ruraj canahuan junda cai.

SALMOS 37:5

Cambaj purinataca Mandaj Diosman mingai. Paillapi shunguta churai. Paica imatapish can munashcata rurangami.

SALMOS 37:7

Mandaj Diospaj ñaupajpi upalla cailla. Mandaj Diospi shunguta churashpa shuyailla. Millaita rurajcuna charijyajta ricushpa ama huañuricuichu. Millaita rurajcuna imata ruranata yuyaricujta ricushpa paicuna shina tucunata munashpa ama huañuricuichu.

SALMOS 62:8

Gentecuna, paillapi shunguta churaichigari. Tucui causaipi paillata shuyaichigari. Tucui shunguhuan paipaj ñaupajpi mañaichigari. Taita Diosca ñucanchij paca tucunamari. Selah

PROVERBIOS 22:19

Cai shimicunataca Mandaj Diospi shunguta churachunmi canmanpish cunantaj yachachini.

PROVERBIOS 23:4

Ama charij tucuna yuyailla caichu. Chaita saquishpa alli yuyaita japiyari.

PROVERBIOS 28:26

Quiquin yuyashcallapi shunguta churaj runaca rumi shungu runami. Ashtahuanpish alli yachaihuan causajca, ima llaquimantapish quishpiringami.

PROVERBIOS 3:7

Canllataj yachaisapa cashcataca, ama yuyanguichu. Ashtahuanpish Mandaj Diosta manchashpa, tucui millaimanta anchuringui.

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

JEREMÍAS 10:23

Mandaj Dioslla, runapaj causaica mana paipajchu. Pipish quiquin causaitaca mana mandai tucunchu.

JEREMÍAS 9:23

Mandaj Diosca cashnami nin: “Yachajpish ama pai yachashcallahuan cushicuchun. C'ari c'ari runapish, ama c'ari c'ari cashcallamanta cushicuchun. Charij runapish, ama pai charishcacunallamanta cushicuchun.

NÚMEROS 9:20

Diospaj carpa huasi jahuapi p'uyu asha punllacunallata cajpica, israelcunapish Mandaj Dios mandashca shinallataj asha punllacunallatami chaipi caj carca. Mandaj Dios richun nijpica, rijcunallami carca.

NÚMEROS 9:22

Diospaj carpa huasi jahuapi caj p'uyu ishqui punllata chaipi cajpica chaitami chaipi cajcuna carca. Shuj quillata, mana cashpaca shuj huatata chai jahuapi cajpica, israelcunapish mana maiman rishpa chaillapitaj causacujllacunami carca. P'uyu ña rijpica, paicunapish rijllacunami carca.

Romanos 12:16

Cancunapurapica shuj shinalla caichij, ama jatun tucuichijchu. Ashtahuanpish mana jatun tucushcacunahuan tandanacuichij. Quiquin yuyaillapica, yachajmi canchij ama yuyaichijchu.

Efesios 1:12

Ñucanchijraj Cristota shuyacujcuna cashca cajpimi, pai sumaj cashcata alabachun chashna agllarca.