PROVERBIOS 3:4 - Dios Rimashca Shimicunami

⁴ Chashna alli cajpimi Taita Diospish, runacunapish c'uyashca, alli nishca tucungui.

PROVERBIOS 3:4 Iomraidhean Croise

GÉNESIS 39:21

Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca.

SALMOS 111:10

Yachaipaj callarica, Mandaj Diosta manchanami. Pai mandashcacunata rurashpa causajcunaca alli yuyaicunatami charincuna. Mandaj Diosta alabanaca huiñaipajmi.

PROVERBIOS 12:2

Alli shungu runamanca, Mandaj Diosllataj allicunata cunmi. Ashtahuanpish millai yuyaihuan causajtaca, jatun llaquiman cachangami.

PROVERBIOS 13:15

Alli yuyaita japishpaca, c'uyaipi churanmi. Ashtahuanpish mana cazujcunaca, llaquitami causancuna.

PROVERBIOS 8:35

Ñucata japijca causaita japingami. Mandaj Dios c'uyashcapishmi tucunga.

DANIEL 1:9

Danieltaca Taita Dios eunucocunata pushajpaj ñahuipi alli ricurichun churajpimi, eunucocunata pushajca paihuan alli cana yuyai tucurca.

Lucas 2:52

Jesusca ashtahuan huiñashpa yachaisapa tucushpami catirca. Diospish, runacunapish alli nishcami carca.

Hechos 2:47

Taita Diosta chashna alabajpi chaita ricujcunaca tucuicunami paicunahuanca alli carca. Mandaj Jesusca pai quishpichina cashcacunataca quishpichishpa punllantami tandanacushca crijcunahuan mirachirca.

Romanos 14:18

Cristopajta chashna rurajca Dios munashcata rurajmi, gentecunapish alli crijmi nishcami.

2 Corintios 8:21

Ñucanchijca mana Mandaj Jesuspaj ñaupajllapi ashtahuanpish, runacunapaj ñaupajpipish, pi mana juchachishca cangapajmi alli apana yuyailla ruracunchij.

1 SAMUEL 2:21

Mandaj Dios Anata ricuj shamujpimi, Anaca huahuacunayuj tucurca. Quimsa churicunata, ishqui ushushicunatami charirca. Huahua Samuelca, Mandaj Diospaj ñaupajpimi huiñarca.

1 SAMUEL 2:26

Ashtahuanpish Samuel mosoca ashtahuan huiñashpami, Mandaj Diospaj ñaupajpipish, runacunapaj ñaupajpipish ashtahuan Dios munashca tucushpa catirca.