PROVERBIOS 26:4 - Dios Rimashca Shimicunami

⁴ Rumi shungu runa shinallataj cashca ama ricuringapajca, rumi shungu runa imata nijpipish, ama allimi nishpa cutichinguichu.

PROVERBIOS 26:4 Iomraidhean Croise

1 REYES 12:14

q'uipa huiñaicuna yuyaita cushca shina sinchita cashna nishpa cutichirca: “Ñuca yaya yallitaj llashaj yugota apachishca cajpica, ñucacarin ashtahuan llashaj yugotami apachisha. Ñuca yaya azotishpa llaquichishca cajpica, ñucacarin escorpioncunahuanmi llaquichisha” nircami.

1 REYES 12:16

Israelcunaca paicuna mañashcata jatun mandaj mana uyajpimi, cashna nircacuna: “Ñucanchijca Davidpaj huahua huahuahuanca imata mana charinchijchu. Isaipaj huahua huahuahuan japinatapish imata mana charinchijchu. ¡Tucui israelcuna, cancunapaj carpa huasicunaman richijlla! ¡Davidpaj huahua huahuacunaca cancunapaj ailluta mandacuichijlla!” Nishpaca israelcunaca paicunapaj carpa huasicunaman tigrarcallacunami.

PROVERBIOS 17:14

P'iñanacuita callarichijca, jatun yacuta cacharij shinami. P'iñanacui manaraj callarijpi anchuringui.

PROVERBIOS 23:9

Rumi shungu runataca, ama imata rimanguichu. Can cushca alli yuyaicunataca, yangata rurashpa asingallami.

PROVERBIOS 26:5

Paipaj quiquin yuyaipi, ama yachaisapami cani yuyachunca, rumi shungu runataca pai upallanata rimangui.

PROVERBIOS 29:9

Yachaisapa cashpapish rumi shungu runahuan p'iñanacuipi yaicushpaca, asijpipish p'iñarijpipish mana allichi tucungachu.

ISAÍAS 36:21

Chashna nijpipish, chaipi cajcunaca imata mana cutichishpa upalla carcallacunami. Jatun mandaj Ezequiasllatajmi: “Ama imata cutichishpa upalla canguichijlla” nishpa mandashca carca.

Mateo 7:6

Taita Diospajlla cajtaca, allcucunamanca ama cuichijchu. Ñataj tigrarishpa c'utsa c'utsata ruranman. Cancunapaj perlacunatapish, c'uchicunapaj ñaupajpica ama shitaichijchu. Paicunaca sarungallacunami.

1 Pedro 3:9

Cancunaca Dios allicunata cushcata japijcuna cachun cayashcata yachashcamantaca, cancunata llaquichijpipish ama chashnallataj ruraichijchu. Ima tucushca canman nijpipish, ama chashnallataj nichijchu. Chaipaj randica, Dios allicunata cushca cachun nichij.

Judas 1:9

Angelcunata jatun mandaj Miguelpish, Moisespaj aichata quichunacushpa rimanacucushpapish, diablotaca llaquichishpa ima millaita mana rimashcachu. Ashtahuanpish: “Jatun Diosmi cantaca llaquichinga” nishcallami.