PROVERBIOS 26:3 - Dios Rimashca Shimicunami

³ Caballotaca azielhuanmi cazuchina. Burrotaca huascahuanmi aisana, rumi shungu runatapish anguhuanmi huanachina.

PROVERBIOS 26:3 Iomraidhean Croise

SALMOS 32:9

Ama caballo shina mana entendij caichu. Mula shina mana entendisha nij ama caichu. Chaicunallami anguhuan huatajpi, fierrota amullichijllapi cazuncuna. Mana chashna rurajpica cambajmanca mana c'uchuyangachu.

PROVERBIOS 10:13

Alli yuyaiyujpaj shimimantaca, alli yachanacunami llujshin. Ashtahuanpish ima alli yuyai illajca, varahuan huashapi azotishcami purin.

PROVERBIOS 17:10

Yuyaisapa runataca jarcashpa rimashcaca, rumi shungu runata patsaj cutin azotishcatapish yallimi allichin.

PROVERBIOS 19:25

Mana cazushpa asij runata macajta ricushpaca, yachai illaj runapish cazunata yachanmi. Yuyaisapa runacarin alli tucuchun rimajllapitaj, yachanapica ashtahuanmi yuyaita japin.

PROVERBIOS 19:29

Mana cazushpa asijcunataca, jatun llaqui chaparacunmi. Rumi shungucunapajpish macana anguca, allichishcami shuyacun.

PROVERBIOS 27:22

Rumi shungu runaca, cutana rumipi trigota cutaj shina cutin cutin tigrachishpa tacajpipish, rumi shungu canataca manataj cungaringachu.

1 Corintios 4:21

Ñuca cancunapajman shamushpaca ¿varahuanchu, mana cashpaca c'uyaihuanchu, alli shunguhuanchu, imahuantaj shamuchun ninguichigari?

2 Corintios 10:6

Cancuna cazujcunataj tucujpipish, tucui mana cazujcunataca llaquichinapaj allichishcami canchij.

2 Corintios 13:2

Sarunman nishca shinallatajmi carupi cashpapish cancunahuan cashca shina ñaupaman juchallijcunamanta tucui shujtajcunamantapish cashna quillcani. Cancunapajman shamushpaca chaicunataca manataj llaquishpami anchuchisha.