PROVERBIOS 24:3 - Dios Rimashca Shimicunami

³ Alli yachaihuanmi huasita shayachirin. Alli yuyaihuan shayachishcataca, ima mana cuyuchipajchu.

PROVERBIOS 24:3 Iomraidhean Croise

2 SAMUEL 7:26

Cambaj shutitaca huiñaita jatunyachicuchunlla. Paicunaca: “Tucuita Mandaj Diosca israelcunapaj Diosmi” nichun. Cambajta ruraj Davidpaj huahua huahuacunaca cambaj ñaupajpica cambajlla sinchicuna cachun.

PROVERBIOS 14:1

Yachaisapa huarmica paipaj huasitaca, allimi shayachin. Ashtahuanpish rumi shungu huarmica, shayachishca huasitapish paipaj maquihuanmi urmachin.

PROVERBIOS 9:1

Yachaica pai causanapajca, sumajta labrashca canchis pilarcunahuanmi huasita shayachirca.

JEREMÍAS 10:12

Mandaj Diosmari tucuita rurai tucuj cashpa cai pachata rurarca. Jatun yachaj cashpamari, tucui cai pachata alli churarca. Alli yuyaiyuj cashpamari, jahua pachatapish linsota shina churarca.

1 Corintios 3:9

Ñucanchijca, Diospajta paihuan rurajcunami canchij. Cancunaca Diospaj chagrami canguichij, Dios huasichicun huasipishmi canguichij.

Colosenses 2:7

Cristopi sapiyachishca, paipaj jahuapi huasichicuncunami canguichij. Ima shina yachachishca cashca shinallataj, crinapi sinchi caichij, Diosta pagui nicujllacuna caichij.