PROVERBIOS 23:3 - Dios Rimashca Shimicunami

³ Chai amopaj sumaj micunacunataca, ama caitapish chaitapish micunata yuyanguichu. Ñataj inquitangapajlla chashna ruracunman.

PROVERBIOS 23:3 Iomraidhean Croise

SALMOS 141:4

Millaita ruranata ñuca shungu cazuchunca ama saquihuaichu. Quiquinta mana rijsijcunahuan paicuna rurashca shina rurachunca ama saquihuaichu. Millaicunahuan chagrurishpa jatun micuipi paicunahuan micuchunpish ama saquihuaichu.

PROVERBIOS 23:6

Mitsa runahuanca, ama micuj tiyaringuichu. Paipaj sumaj micunatapish amataj munanguichu.

DANIEL 1:5

Jatun mandajca paicunamanca micunatapish, vinotapish pai imatami micun, pai imatami ubyan chaillatataj punllanta carachun, yachaitapish quimsa huatacunata alli yachachichun, chai q'uipaca paipaj ñaupajman ricurigrichunmi mandarca.

DANIEL 1:8

Danielca, jatun mandajpaj micunata micushpa, pai ubyana vinota ubyashpaca mapayashami nishpami paipaj shungupica manataj micuna, manataj ubyana tucurca. Chaimi eunucocunata pushajtaca: “Cai micunacunata micushpa, cai vinota ubyashpaca mapayashamari. Chaicunata micuchuntaj, ubyachuntajca ama mandahuaichu” nirca.

Lucas 21:34

Taita Dios mandai callarina punllaca cancuna mana yuyashcapi ama shamuchun, cancunallataj alli yuyarishpa jatun micuita ruranallapi, machanallapi, cai causaipi imatapish charinallapi, cancunapaj shunguta churashpa ama causanguichijchu.

Efesios 4:22

Ñaupa ima shina causashca, mauca causaitaca saquichij. Chai causaica, umaj munaicunahuan ismushpa tucuricujmi.