PROVERBIOS 2:9 - Dios Rimashca Shimicunami

⁹ Pai yachachishcahuanmi cashcata ruraj canatapish, allita ruraj canatapish, mana pandarij canatapish, tucuipi alli canatapish yachangui.

PROVERBIOS 2:9 Iomraidhean Croise

SALMOS 119:105

Quiquinpaj shimica ñuca chaqui sarunata achijyachijmi. Ñuca ñanta achijyachijmi.

SALMOS 119:99

Ima shina causanata quiquin yachachishcacunatamari cutin cutin yuyaricujlla cani. Chaimi ñucata yachachijcunatapish yalli entendini.

SALMOS 25:12

¿Pishi Mandaj Diosta manchaj runaca? Paita manchajtaca maijan ñanta agllanatami yachachin.

SALMOS 32:8

Shina nijpi Mandaj Diosca: Can mai ñancunallata purinataca ñucami entendichisha, ñucami yachachisha. Ñuca ñahuitaca canmanta manataj anchuchishachu.

PROVERBIOS 28:5

Millai shungu runacunaca cashcata ruranataca mana yachancunachu. Ashtahuanpish Mandaj Dios yuyailla causajcunaca, chaita ruranataca tucuitami yachan.

PROVERBIOS 4:12

Cai ñanpica can purinataca ima mana jarcangachu. Callpashpa purishpapish, mana ñitcaringuichu.

PROVERBIOS 4:18

Ashtahuanpish cashcata rurajcunapaj causaica, pacarijpi achijlla inti llujshishpa, chaupi punllayajpi ashtahuan achijlla tucuj shinami.

PROVERBIOS 8:20

Ñucaca cashcata rurashpa, alli yuyaihuan causana ñancunallatami pushasha.

ISAÍAS 35:8

Chaipica rumicunahuan allichishca ñanmi tiyanga. Chai ñanca: “Jucha illaj Ñan” nishcami canga. Mapacunaca chai ñantaca mana puringacunachu. Ashtahuanpish Taita Diostajmi paicunahuan canga. Maijanpish chai ñanpi puricujca imata mana jahualla yachai tucuipaj cashpapish mana pandaringachu.

ISAÍAS 48:17

Mandaj Dios canta Quishpichij, Israelpaj jucha illaj Diosca cashnami nin: “Ñucaca Mandaj Diosmi cani. Cambaj allipaj yachachij cambaj Diosmi cani. Can catina ñanta yachachij Diosmi cani.

JEREMÍAS 6:16

Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.