PROVERBIOS 2:8 - Dios Rimashca Shimicunami

⁸ Cashcata rurajcunata cuidajmi, paipajllacunata huaquichijmi.

PROVERBIOS 2:8 Iomraidhean Croise

SALMOS 1:6

Cashcata rurajcunapaj causaitaca Mandaj Diosca rijsinmi. Ashtahuanpish millaicunapaj causaica chingaringallami.

SALMOS 145:20

Mandaj Diosca tucui paita c'uyajcunatami huaquichin. Ashtahuanpish tucui millaicunataca chingachingami.

SALMOS 23:3

Ñuca almataca sinchiyachingami. Paipaj shutita c'uyashcamantaca, cashcata rurana ñancunapimi ñucataca pushanga.

SALMOS 37:28

Mandaj Diosca, ima pandata mana rurajtami c'uyan. Paipaj agllashcacunataca mana saquinchu. Paicunataca huiñaipajmi huaquichinga. Ashtahuanpish Diosta mana rijsijcunapaj huahuacunataca ñutuchingami.

SALMOS 37:31

Paipaj shungupica Taita Dios mandashcacunami tiyan. Chaimanta paipaj chaquicunaca mana lluchcaringachu.

SALMOS 66:9

Paimari ñucanchij causaita huaquichijca. Ñucanchij chaquicuna lluchcarichunpish mana saquircachu.

SALMOS 97:10

Mandaj Diosta c'uyajcunaca, millaita ruranataca p'iñaichigari. Paipajlla caj jucha illajcunapaj almataca paimi huaquichin. Paita mana rijsijcunapaj maquimantapish paimi quishpichin.

PROVERBIOS 8:20

Ñucaca cashcata rurashpa, alli yuyaihuan causana ñancunallatami pushasha.

ISAÍAS 35:9

Chaipica leonpish mana tiyangachu. Manchanana animalcunapish chai ñantaca mana huichiyangacunachu. Quishpichishcacunalla purichunmi chai ñanpica, chai animalcunaca mana tupanga.

DEUTERONOMIO 33:3

Paipajlla cajcunataca c'uyanmi. Paipajlla cachun tucui ch'icanyachishcacunaca paipaj maquipimi. Chaimi paicunaca can purishcata catircacuna. Quiquin yachachishcata catishpami chashna purircacuna.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.

Judas 1:24

Tucuita rurai tucujca paipaj achij nicuj ñaupajpi jatunta cushicushpa ricuchingapajmi, mana urmashca ima mapa illajllata huaquichicun.

1 SAMUEL 2:9

Jucha illaj paipaj cajcunataca maita purinapipish paimi huaquichin. Ashtahuanpish Diosta mana manchajcunaca, amsapimari chingarin. Maijanpish quiquin fuerzallamantaca, mana imata rurai tucunchu.