Biblia Todo Logo
Bìoball air-loidhne

- Sanasan -




PROVERBIOS 2:6 - Dios Rimashca Shimicunami

6 Mandaj Diosllamari alli yachaita cun. Paipaj shimimantami alli yachajta, alli yuyaiyujta ruraj shimicuna shamun.

Faic an caibideil Dèan lethbhreac




PROVERBIOS 2:6
32 Iomraidhean Croise  

Salomonpaj shungupi Taita Dios yachaita churashcahuanca ima shina rimaj cashcata uyangapajca, tucui llajtapi causajcunami Salomonpaj ñahuita ricunata munarcacuna.


Can shinaca cambaj ñaupapish pi shujtajca mana tiyashcachu. Cambaj q'uipapish can shina shujtajca pi mana tiyangachu. Chaimanta can mañashca shinallatajmi curcani. Alli yuyaiyuj, yachaisapa canatami curcani.


Can agllashca yallitaj achcacunataca pitaj mandai tucungari. Can agllashcacunapajca maijanpajlla alli cashcata, mana alli cashcata alli ricushpa mandangapajca cambajta rurajmanca yachaita cuhuayari” nircami.


Taita Diosca Salomonmanca yachaisapa canata, imata rurangapajpish jahualla allita yuyarij canatami curca. Chaimi paipaj shungupi yuyaicunaca mama cucha uripi tiyaj t'iyu shina yallitaj achca carca.


Israelcunata can mandacujpica Mandaj Diospaj mandashcapi nishca shinataj mandachun Mandaj Diosllataj alli yuyaita, alli yachaita cushca cachun.


Esdras canca, jatun yacu chaininijman tucui causajcunata mandachunca juezcunata, mandajcunata cambaj Dios canman yachaita cushca shinallataj churangui. Cambaj Diospaj mandashcacunata alli yachajcunata chashna churangui. Manaraj yachajcunataca yachachingui.


Chai q'uipaca Taita Diosmi jatuncunatapish, mandajcunatapish, tucui israelcunatapish tandachishpa, paicunapaj ñaupa yayacunamanta mirarishca cada familiapaj shuticunata quillcanata ñuca shungupi yuyachirca. Chaipica ñaupaman Babiloniamanta tigramuj yayacunapaj shuticunata, cashna quillcashca shuj librotami japircani:


Alli yachaipish, rurai tucunapish Taita Dioshuanmi. Cunanapish, alli yuyaipish paipajmi.


Rurai tucunapish, alli yachaipish paihuanmi. Pandarijpish, pandachijpish paipajmi.


Cunanca paipaj shimihuan mandashcataca chasquiyari. Paipaj shimicunataca cambaj shungupi huaquichiyari.


Runaca yuyaitaca charinmi. Paimanca Tucuita Rurai Tucuj Diospaj Espiritumi alli yuyaicunata cun.


Quiquin mandashcacunapimi alli yuyaita japircani. Chaimantami tucui llulla ñantaca p'iñarcani.


Quiquin mandashcata huaquichingapaj yuyaita pascahuayari. Tucui shunguhuanmari chaitaca pajtachisha.


Quiquin mandashcacunahuanca ñucata p'iñajcunata yalli yachajtamari ñucataca rurashcangui. Chaicunaca ñucamantaca manataj anchunchu.


Mandaj Dios mandashcaca ima mana pandachu. Ashtahuanpish almata mushujyachijmi. Ima shina causanata Mandaj Dios yachachishcaca chashnatajmi. Manaraj yachajtapish yachaisapata rurajmi.


Mandaj Dios mandashcacunaca mana pandachu. Ashtahuanpish shunguta cushichijmi. Mandaj Dios ima shina causachun nishcacunaca chuyami, ñahuicunatapish achijyachijmi.


Quiquinca mana llullatami yallitaj c'uyangui. Yachaj canataca pacallapimi yachachishcangui.


Llajtacunata llaquichij Diosca, ¿maitataj mana llaquichingari? Yachaita ruranata runacunaman yachachij Diosca ¿maitataj imata mana yachangari?


Paitaca yachaisapa, yuyaisapa, imatapish yachaj, tucui ima ruranatapish yachaj cachunmi Diospaj Espirituta jundachircani.


Paicuna yachachishpa mandashcaca, ninata japichishca lámpara shinami. Jarcashpa yachachishcaca causaipaj ñanta ricuchijmi.


Diosca paipaj ñaupajpi alli caj runallamanmi yachaitapish, alli yuyaitapish, cushicuitapish cun. Ashtahuanpish juchata rurashpa causaj runataca, achcata charinacunata jahuanpi jahuanpi tandashpa huaquichichun saquinllami. Chai huaquichishca charinacunataca paipaj ñaupajpi alli caj runapaj cachunmi, Diosca chashna ruran. Chashna cashcamantaca tucui imata rurashpapish, yuyaita yanga shaicuchishpallami causan.


Cambaj huahuacunaca tucuicuna Mandaj Dios yachachishcami canga. Cambaj huahuacunapaj sumaj causaica ashtahuanmi miraringa.


Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.


Chai chuscu mosocunamanca, Taita Diosmi quillcanatapish, imata yachaj canatapish alli yuyaita cushpa yachaisapata rurarca. Danielca muscuipi shina ricushcacunatapish, muscushcacunatapish imata nisha nishcata entendijmi tucurca.


Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.


Ñuca yayacunapaj Taita Dios, quiquintami pagui nini, quiquintami alabani. Quiquinmari ñucamanca yachaitapish, fuerzatapish cuhuangui. Cunancarin ñucanchij mañashcatapish ricuchinguimi. Jatun mandaj imata muscushcata, chai imata nisha nishcatamari ricuchingui” nircami.


Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.


Profetacunata Quillcachishcapica: “Taita Diosmi tucuicunata yachachinga” ninmi. Chashna nishca shinallatajmi ñuca Yayata uyashpa, pai yachachishcata yachajcunaca tucuicuna ñucata cringacuna.


Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.


Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.


Lean sinn:

Sanasan


Sanasan