PROVERBIOS 2:2 - Dios Rimashca Shimicunami

² Alli yachaitaca, rinrinta mañachishpa uyangui. Alli yuyaicunataca, tucui shunguhuan munangui.

PROVERBIOS 2:2 Iomraidhean Croise

SALMOS 90:12

Ñucanchij causai punllacunaca ima shina cashcata yupanata yachachihuayari. Ñucanchij shunguman alli yachaita apamunatapish yachachihuayari.

PROVERBIOS 18:1

Pandarishpa causajcunaca quiquin yuyashcallatami rurashpa causan. Tucui imapipish satirishpami purin.

PROVERBIOS 2:3

Alli yachaitaca, caparishpa mañangui. Alli yuyaitaca, uyangacama cayangui.

PROVERBIOS 23:12

Ñuca yachachishcapi cambaj yuyaita churai. Alli yachajta ruraj cai shimicunataca, rinrinta mañachishpa uyayari.

PROVERBIOS 4:1

Huahuacuna, cancunapaj yaya yachachishcata uyaichij. Tucui yuyaihuan uyashpami, alli yuyaiyuj canataca yachanguichij.

PROVERBIOS 4:20

Ñuca huahualla, ñuca shimicunataca yuyaipi uyayari. Ñuca yuyaicunataca rinrinta mañachishpa uyayari.

PROVERBIOS 6:32

Yuyaita mana japijllami huainayashpa purin. Chaita rurashpaca, quiquin causaitamari chingachin.

ECLESIASTÉS 7:25

Chaimantami alli yachaj chayangapaj, alli ricungapaj ñuca tucui shunguta churashpataj, callarishpa alli yuyarircani. Chashna yuyarishpaca, ch'ahuan cashcamanta mana allita ruraj cashcata, yuyai chingarishca shina pandarij cashcatami ricurcani.

ECLESIASTÉS 8:16

Ñucaca tucui shunguhuanmi cai pachapi causajcuna imallata ruraj cashcataca yacharcani. Huaquincunaca tutapish, punllapish mana samarincunachu.

ECLESIASTÉS 8:9

Inti achijyachicun cai pachapi causajcuna tucui imallata ruracushcatami, shunguta churashpataj callarishpa ricurcani. Shujcunaca caishujcunata llaquichishpa causashpaca, quiquinpaj llaquipajllatajmi chashna rurancuna.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

Mateo 13:9

Maijanpish uyanapaj rinrinta charijca uyaichigari” nircami.

Hechos 17:11

Bereapi causajcunaca Tesalonicapi causajcunata yalli ashtahuan alli yuyaiyujcunami carca. Chashna cashpami paicuna huillashcata alli uyashpa chashna cashcata mana chashna cashcata yachangapaj Taita Dios Quillcachishcacunataca punllanta alli ricujcuna carca.