PROVERBIOS 2:10 - Dios Rimashca Shimicunami

¹⁰ Cai alli yachaitaca, cambaj shungupi chasquingui. Mishquichij shina ashtahuan yachanata munangui.

PROVERBIOS 2:10 Iomraidhean Croise

JEREMÍAS 15:16

Tucuita Mandaj Dioslla, ñucaca canhuanmi casha nihuarcanguimari. Chaimantamari cambaj shimicunata ñucaman cujpica, cushicushpa ñuca shungupi chasquij carcani. Cambaj shimi uyarijpica, japishcahuanmari micuj carcani.

Colosenses 3:16

Cancunapaj shungupica, Cristo rimashca shimicuna junda tiyachun. Tucui yachashcahuan, caishuj chaishuj yachachinacuichij animachinacuichij. Cancunaca shungumanta salmocunata, himnocunata, Diospaj cantocunata Mandaj Jesusta pagui nishpa cantaichij.

JOB 23:12

Paipaj shimihuan mandashcamantaca, shuj cutinllapish manataj caruyarcanichu. Paipaj shimicunataca, ñuca micunatapish yallimi chai yuyai causarcani.

SALMOS 119:162

Ñucaca macanacuita mishashpa achca charinacunata japij shinami quiquinpaj shimicunapica yallitaj cushicuni.

SALMOS 104:34

Ñuca pai munashcata yuyarishcaca mishquimari. Ñucaca Mandaj Diospimi cushicusha.

SALMOS 19:10

Curitapish yalli munanami. Allichishca curitapish yalli munanajllami. Sacha chuspipaj mishquitapish yalli mishquimi. Sacha chuspipaj mishqui yallitaj llujshicujmantapish yallimi.

SALMOS 119:111

Ima shina causanata quiquin yachachishcaca ñuca shunguta cushichij cashcamanta, ñuca japina cashcatami huiñaipaj japircani.

PROVERBIOS 14:33

Alli yachaica, alli yuyaiyujcunapaj shungullapimi tiyan. Ashtahuanpish rumi shungucunataca, pi mana rijsinchu.

SALMOS 119:103

¡Quiquinpaj shimicunaca ñuca shimipica tucuimanta yalli mishquimari! ¡Ñuca shimipica sacha chuspipaj mishquitapish mai yallimari!

SALMOS 119:97

¡Quiquin mandashcataca ñucaca mashnatamari c'uyani! Chai mandashcaca punllanta ñuca cutin cutin yuyaricunallami.

PROVERBIOS 1:4

Shinallataj yachai illajcunata, q'uipa huiñaicunatapish alli yuyaita japishpa, alli yuyaihuan causanatami yachachin.

PROVERBIOS 22:18

Cai shimicunata shungupi aparishpaca, mishquichij shinami cushicungui. Shujtajcunaman yachachingapajpish, shimi jahuami charingui.

PROVERBIOS 4:6

Can mana saquijpica, cantapish huaquichingami. Can c'uyajpica, cantapish allipimi charinga.