PROVERBIOS 17:3 - Dios Rimashca Shimicunami

³ Curipish, cullquipish pailapi churashpa hornopi rupachijpimi, alli cashcaca ricurin. Ashtahuanpish runacunapaj shungutacarin Mandaj Diosmari ricucun.

PROVERBIOS 17:3 Iomraidhean Croise

1 CRÓNICAS 29:17

Ñuca Dioslla, canca ñucanchij shungupi yuyashcataca callarishpami ricucungui. Alli cajllatami munangui, chaitaca yachanimi. Chaimantami ñuca tucui shunguhuan cunata munashcamanta tucui caicunataca canman curcani. Shinallataj cunan caipi tandanacushca can agllashcacunapish mana llaquishpa, tucui shunguhuan cai tucuita canman cujta ricushpaca cushicunimi.

JOB 23:10

Ashtahuanpish paica ñuca causaitaca, tucuitami rijsin. Pai ñucata ima shinapish ricujpica, curi shinami llujshisha.

JOB 28:1

Cullquitaca allpa ucumantami llujshichin. Curita chuyayachingapaj rupachinapish tiyanmi.

SALMOS 139:23

Taita Dioslla, ñucataca alli alli ricuhuailla. Ñuca shungu ima shina cashcata rijsihuailla. Ñuca yuyaicuna ima shina cajta ricuhuayari, rijsihuayari.

SALMOS 26:2

Mandaj Dioslla, ñucataca callarishpa alli ricupailla. Quiquinpajtaj cashcatapish ricupailla. Ñuca tucui yuyaicunatapish, ñuca shungutapish shushushpa ricupailla.

SALMOS 66:10

Taita Dios ñucanchij ima shina cajta ricurcanguimi. Cullquita chuyayachij shinami chuyayachircangui.

PROVERBIOS 15:11

Seolpish, Abadonpish Mandaj Diospaj ñahuipimi. ¡Cai pachapi causajcunatacarin shungupi imata yuyashcatapish callarishpami ricucun!

PROVERBIOS 16:2

Tucuicunallatajmi imata rurashpapish, allitami rurani yuyancuna. Shina cajpipish Mandaj Diosmari yuyaicunataca pezashpa ricucun.

PROVERBIOS 17:2

Alli yuyaiyuj servijca, amopaj mana cazuj churitapish mandangallami. Amoca pai imalla charishcatapish, paipaj caishuj churicunaman shinallatajmi chaupinga.

PROVERBIOS 21:2

Tucuicunallatajmi imata rurashpapish, allitami ruranchij yuyancuna. Shina cajpipish, Mandaj Diosmi shungucunataca ricucun.

PROVERBIOS 27:21

Curitapish, cullquitapish pailapi churashpa hornopi rupachishpami, alli cashcata ricun. Runa alli cashcataca, shujtajcuna alli nijpimi yacharin.

ISAÍAS 48:10

Riqui, cantaca chuyayachircanimi. Cullquita chuyayachij shinaca mana chuyayachircanichu. Hornopi rupachij shina llaquicunahuanmi cantaca agllarcani.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

EZEQUIEL 22:18

“Huañujlla aichayuj runalla, israelcunaca ñucapajca cullquimanta llujshishca mapacuna shinami tucushcacuna. Cullquita hornopi churashpa yacuyachicujpi llujshishca bronce shina, estaño shina, fierro shina, plomo shinami tucuicuna tucushcacuna.

DANIEL 11:35

Diosmanta yachaisapa cajcunamanta maijancunapish ima mapa illajllata, chuyata, yurajllata rurashca cangapajmi llaquichishca canga. Paicuna llaquita apanaca punlla pajtangacamallami canga. Shina cajpipish chai punlla pajtanapajca illanrajmi.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

DEUTERONOMIO 8:16

cancunapaj ñaupa yayacuna mana rijsishca maná shuti micunata carashpa pushamuj Taita Diosta ñataj cungaringuichijman. Paimi cancunataca llaquichishpa, cancuna ima shina cashcata ricushpa q'uipa punllacunapi allicunata cungapaj pushamurca.

DEUTERONOMIO 8:2

Mandaj Dios cancunapaj Taita Dios cai chuscu chunga huatacunata shitashca pambacunata ima shinalla pushamushcata yuyaringuichij. Chaicunataca cancunata ima shina shungu cashcata yachangapaj, cumurij shunguta rurashpa pai mandashcacunata cazuna cashcata mana cazuna cashcata ricungapajmi llaquicunata cushpa pushamurca.

1 Pedro 1:7

Cancunata crijtaj cashcata ricushcaca, sumaj curitapish ashtahuan yallimari. (Chingarijlla curitapish ninapi rupachishpami, alli cashcata mana alli cashcataca ricuna) Llaquita apashpaca, shamuj punllapi Jesucristo ricurijpica alabashca, alli nishca, sumajyachishcami canguichij.

Apocalipsis 2:23

Paipaj huahuacunataca huañuchishami. Chashna rurajpimi ñucataca tucuipi tandanacushca crijcunaca paicunapaj yuyaita, shunguta rijsij cashcata yachangacuna. Cancunamanca ima shina rurashca shinallatajmi cusha.