PROVERBIOS 15:3 - Dios Rimashca Shimicunami

³ Mandaj Diosca allicunatapish, millaicunatapish maipi imata ruracujta ricuracunmi.

PROVERBIOS 15:3 Iomraidhean Croise

2 CRÓNICAS 16:9

Mandaj Diosca tucui shunguhuan paita cazujcunapaj allita rurashpa, tucuita rurai tucuj cashcata ricuchingapajmi, tucui cai pachata ricuracun. Canca yuyai illaj shinami Siria llajtata jatun mandajhuan alli canata ari ninacushcangui. Chashna rurashcamantaca cunanmantapachaca, ashtahuanmi canhuan macanacungapaj shamungacuna” nircami.

JOB 24:23

Diosca imata mana manchashpa, paipi shunguta churana yuyaitami cun. Paipaj ñahuicunaca paicuna purishcatami chaparacun.

JOB 28:24

Paica cai pachatapish, maicama cashcata tucuitami ricucun. Imalla tiyajcunataca jahua pachamanta tucuitami ricucun.

JOB 31:4

Taita Diosca ñuca imalla rurashcacunatapish ricucunmi. Ñuca chaqui sarushcacunatapish yupacunmi.

SALMOS 33:13

Mandaj Diosca jahua pachamantami chapacun. Huañujlla aichayuj runacunataca tucuicunatami ricucun.

PROVERBIOS 15:4

C'uyaihuan sumajta rimashca shimicunaca, causaita cuj yura shinami. Ashtahuanpish millai shimicunaca, shungutami chugrichin.

PROVERBIOS 5:21

Mandaj Diosca ima shina causacujtaca, tucuicunata ricuracunmi. Imata rurashpa puricujtapish, paipaj ñahuica manataj chingachinchu.

JEREMÍAS 16:17

Ñucaca paicuna imallata rurajtaca, tucuitami ricucuni. Paicunapaj juchacunapish ñuca ñahuimantaca ima mana pacallachu, ricunallami tiyacun.

JEREMÍAS 23:24

Mandaj Diosca cashnapishmi nin: “¿Pitaj ñuca mana ricunapi miticui tucungari? Ñucaca tucui jahua pachapipish, cai pachapipish jundamari cani. Mandaj Diostajmi chashna nini.

JEREMÍAS 32:19

Canca jatun ruranacunata yuyarijmi cangui, sumajcunata rurajmi cangui. Tucui runacuna huahua huahua ima shinalla causajtaca, tucuitami cambaj ñahuihuan ricucungui. Chaimantami tucuicunaman ima shinalla causashcamanta, imallata rurashcamantaca chai shinallataj cungui.

ZACARÍAS 4:10

“Diospaj huasita ruranata Zorobabel callaricujpi p'iñajcunapish tucuchishcata ricushpaca cushicungacunami. Zorobabel plomadata maquipi charicujtapish ricungacunami. Chai canchis lamparacunaca, Mandaj Diospaj ñahuicuna cai pachata tucuita ricucujtami ricuchin” nircami.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.