PROVERBIOS 13:4 - Dios Rimashca Shimicunami

⁴ Q'uilla runaca imata charisha nishpapish, manataj japinchu. Ashtahuanpish tucui yuyaihuan trabajajcunaca charijyancunatajmi.

PROVERBIOS 13:4 Iomraidhean Croise

GÉNESIS 26:32

Chai punllallatajmi Isaacpajta rurajcunaca paipajman shamushpaca, pugyuta rurangapaj allacushcapica: “Ñami yacuta japinchij” nircacuna.

SALMOS 92:14

Yuyaj cashpapish, miraricungarajmi. Fuerzasapa, verdijllacunami cangacuna.

PROVERBIOS 10:4

Q'uillacunapaj maquica huajchayachinmi. Ashtahuanpish mana q'uillacunapaj maquica charijyanmi.

PROVERBIOS 11:25

Shujtajcunapaj allita rurajcunaca charijyancunami. Shujtajcunaman carajcunaca, paicunapish chasquincunami.

PROVERBIOS 12:11

Chagrata ruraj runaca sajsajta micungapajllapish charinmi. Ashtahuanpish yuyaita mana japijllami, puricujllacunataca catincuna.

PROVERBIOS 12:24

Alli trabajaj runaca, mandashpami causanga. Ashtahuanpish q'uilla runaca, mandashcallami causanga.

PROVERBIOS 12:27

Q'uilla runaca ima animalta urcupi, japishcatapish mana cusashpa micunchu. Ashtahuanpish mana q'uilla runaca, sumaj charinayuj shinamari.

PROVERBIOS 13:3

Maijanpish shimi cacharishca canata huaquichirijca, quiquin causaitami huaquichin. Ashtahuanpish shimi cacharishca runaca, jatun llaquitami japinga.

PROVERBIOS 13:5

Cashcata rurajcunaca llullaj canataca, manataj munancunachu. Ashtahuanpish Diosta mana manchaj runaca, paillatajmi p'iñai tucushpa pingai tucun.

PROVERBIOS 20:4

Q'uilla runaca tamyacunmi nishpa mana yapunchu. Chai runaca chagrata tandana punlla llujshirishpapish, imata mana japinchu.

PROVERBIOS 21:25

Q'uilla runaca imatapish charina yuyaihuan huañucunllami. Shina cashpapish maquita mapayachinataca, mana munanchu.

PROVERBIOS 21:5

Imatapish alli yuyarishpa chai yuyai trabajaj runaca causaipaj charintajmi. Ashtahuanpish yuyarishcahuan ucui jahua imatapish rurajcunaca, ashtahuan huajchayashpami catincuna.

PROVERBIOS 24:30

Shuj punllami yuyai illaj q'uilla runapaj allpa c'uchullata rircani. Yuyaita mana japishca runapaj uva chagratapishmi ricurcani.

PROVERBIOS 24:31

Chai chagrapica chinipish, cashacunapish jundashcami carca. Chai allpa muyundijta pircashca rumicunapish, t'unirishpa caiman chaiman urmashcami siricurca.

PROVERBIOS 26:13

Q'uilla runaca: “Leonmari ñanpi chapacun, canllapica leonmari shayacun” ninmi.

PROVERBIOS 28:25

Imatapish p'iña p'iña quichusha nij runaca, macanacuillatami callarichin. Ashtahuanpish Mandaj Diospi shunguta churajmanca allicunata cungatajmi.

PROVERBIOS 6:6

Q'uilla runa, añangucunata ricui. Paicuna ima shina rurajta ricushpa yachayari.

PROVERBIOS 8:34

Ñuca yachachishcata yachana munaihuantaj punllanta ñuca huasi pungu pilar huashapi shuyashpa chasquijca cushicunmi.

CANTARES 5:3

Chashna caparicujta uyashpapish ñucaca: “Ñamari churanata llujshichirircani. Maitataj cutin churarishari, ñamari chaquicunatapish maillarircani, maitataj cutinca mapayashari” nircanimi.

ISAÍAS 58:11

Mandaj Diosmi cantaca huiñaita michinga. Chaquishca pambacunapipish cambaj alma cushicujtami caranga. Cambaj tullucunatapish sinchiyachingami. Canca larca yacucunayuj huerta shinami cangui. Mana tucurij yacucuna shina pajchacuj yacu shinami cangui.

NÚMEROS 23:10

Jacobpaj ñutu allpataca ¿pitaj yupai tucungari? Israelcunataca chuscupi ch'icanchishca cajpipish, chai shuj mirgallatapish ¿pitaj yupai tucungari? Ñucapish ima pandata mana rurajcuna huañuj shinallataj huañushpachari alli caiman. Ñuca causana punllacunapish paicuna causashca shinallataj cachun” nircami.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Hebreos 6:11

Chaimanta cancuna shuyacushca pajtangacama ima shinalla ruracushcataca, chai shinallataj rurashpa tucuringacama ricuchichunmi munanchij.

JOSUÉ 7:3

Paicuna tigrashpaca Josuemanca: “Hai pueblopi causajcunaca ashacunallami cashca. Ama tucuicunata cachashpa shaicuchichu. Ishqui huarangata, mana cashpaca quimsa huarangallata cachai. Paicunallataj jahualla mishangallacunami” nircacuna.