PROVERBIOS 13:3 - Dios Rimashca Shimicunami

³ Maijanpish shimi cacharishca canata huaquichirijca, quiquin causaitami huaquichin. Ashtahuanpish shimi cacharishca runaca, jatun llaquitami japinga.

PROVERBIOS 13:3 Iomraidhean Croise

SALMOS 141:3

Mandaj Dioslla, ñuca shimipica cuidajta churahuai. Ñuca shimiman ima mana alli ama llujshichun jarcajta rurahuai.

SALMOS 34:13

Millaita rimaj c'allu canamanta huaquichiringui. Umaj shimi canamanta huaquichiringui.

SALMOS 39:1

Ñucaca: “Ñuca c'alluhuan ama juchallingapajca, alli yuyaihuan causanatami yachasha. Ñuca shimipi frenota churashpami jarcarisha. Diosta mana rijsijcuna ñuca ñaupajpi cajpimi chashna rurasha” nircanimi.

PROVERBIOS 10:14

Yachaisapacunaca alli yachashcataca, shungupimi huaquichincuna. Ashtahuanpish rumi shungu runapaj shimica, ñapish ima llaquipi churanllami.

PROVERBIOS 10:19

Imatapish yalli rimarijpica, juchapish tiyantajmi. Ashtahuanpish shimita jarcarijca, alli yuyaiyujmi.

PROVERBIOS 10:8

Yachaisapacunallami mandashcacunataca, shungupi chasquin. Ashtahuanpish millaita rimaj rumi shungu runaca urmangatajmi.

PROVERBIOS 12:13

Diosta mana manchaj runaca, cacharishca shimi cashcamantami llaqui tucun. Ashtahuanpish cashcata ruraj runaca, llaquimantaca llujshingallami.

PROVERBIOS 13:4

Q'uilla runaca imata charisha nishpapish, manataj japinchu. Ashtahuanpish tucui yuyaihuan trabajajcunaca charijyancunatajmi.

PROVERBIOS 14:3

Rumi shungu runapaj shimimantaca, jatun tucushcamanta llaquipi churaj shimicunami llujshin. Ashtahuanpish yachajcunapaj shimimantaca, ima llaquimantapish huaquichij shimicunami llujshin.

PROVERBIOS 18:21

Quiquin c'allullatajmi causaipipish, mana cashpaca huañuipipish churan. Shimimanta ima llujshichun munashpapish, chaillatatajmi micunga.

PROVERBIOS 18:7

Rumi shungu runaca, quiquin shimillamantatajmi p'iñai tucun. Paillatajmi huascata cungapi churarin.

PROVERBIOS 20:19

Parlarijlla runaca shujtajcuna mana yachanatapish cacharinllami. Chashna c'allu cacharishca runahuanca, pajta tandanacunguiman.

PROVERBIOS 21:23

Maijanpish c'alluta jarcarijca, quiquin causaitami llaquipi yaicunamanta huaquichin.

Santiago 1:26

Maijanpish cancunapurapi pai crishcapi allimi caticuni yuyashpapish, paipaj c'alluta mana jarcarijca, paipaj shungupimi umarin. Pai caticushcapish yangami.

JUECES 16:11

Shina nijpimi Sansonca: –Imata manaraj rurashca mushuj huascacunahuan sinchita huatajpica, shujtaj runacuna shinallataj fuerza illaj tucushallami– nirca.

JUECES 16:17

Dalila huarmimanca pai imamanta chashna cashcata paipaj shungullapi yachashcataca: –Ñuca ajchataca nunca mana p'itishcami cani. Ñucaca mamapaj huijsamantapachami Diospaj nazareo cani. Ñuca ajchata p'itijpica ñuca fuerzaca ñucamanta anchunmanllami, tucui caishuj runacuna shinallatajmi caiman– nirca.