PROVERBIOS 13:2 - Dios Rimashca Shimicunami

² Maijanpish allita rimashpaca, allicunallatatajmi japin. Ashtahuanpish mana cazujcunaca llaquitami japingacuna.

PROVERBIOS 13:2 Iomraidhean Croise

SALMOS 140:11

C'allu cacharishca runaca cai allpapica mana sinchi cai tucungachu. Yallitaj millai runacunataca llaquimi tucui tucuchinga.

SALMOS 75:8

Copaca Mandaj Diospaj maquipimari. Vinoca tucuihuan chagrushca p'ucushcamari. Chai vinotaca paimi tallinga. Cai pachapi causaj Diosta mana rijsijcunami tucuringacama ubyangacuna.

PROVERBIOS 1:18

Ashtahuanpish chai runacunaca paicunallataj huañunapajmi trampata churancuna. Paicunapaj llaquipajllatajmi linchita churancuna.

PROVERBIOS 1:31

Paicunapaj causaipi imatami tarpurcacuna, chaillatatajmi micungacuna. Paicuna munashca shina rurashcallamantatajmi amijta micungacuna.

PROVERBIOS 10:11

Cashcata ruraj runa yachachishca shimicunaca, causaita cuj yacu shinami. Ashtahuanpish mana manchajcunataca, paicuna rimashcallatajmi shimita tapanga.

PROVERBIOS 11:23

Cashcata rurajcunaca allita rurana yuyaillami. Ashtahuanpish mana manchajcunaca, p'iñanacuillatami shuyancuna.

PROVERBIOS 12:14

Maijanpish allita rimashpaca allillatatajmi japin, imata rurashpapish, rurashca shinallatajmi tandanga.

PROVERBIOS 18:20

Maijanpish shimihuan imata tarpushca cashpaca, chaillatatajmi japishpa micunga. Shimimanta llujshij, imata p'ucushca cajpipish, chaillatatajmi huijsapi jundachinga.

PROVERBIOS 18:21

Quiquin c'allullatajmi causaipipish, mana cashpaca huañuipipish churan. Shimimanta ima llujshichun munashpapish, chaillatatajmi micunga.

PROVERBIOS 4:17

Millaita rurashcallahuanmi micuncuna, vinotapish shuhuashcallatami ubyancuna.

OSEAS 10:13

Ashtahuanpish cancunaca Diosta mana rijsinatami allichircanguichij. Yallitaj millaitami cozicharcanguichij. Llullatami micunguichij. Cancunapaj quiquin causaipi shunguta churashcamanta, cancunapurapi caj achca c'ari c'aricunapi shunguta churashcamantami chashna tucunguichij.

HABACUC 2:17

Libanota llaquichishca llaquicunallatajmi cantapish japinga. Sacha animalcunami cantaca manchachinga. Canllataj runacunata huañuchishcamanta, allpata shuhuashcamanta, pueblocunapi causajcunapajta shuhuashpa apashcamantami cai llaquicunaca cantapish japinga.

HABACUC 2:8

Ashtahuanpish canca achca llajtacunamantami imalla charishcacunata quichushpa aparcangui. Cantaca runacunapaj yahuarmantapish, allpata shuhuashcamantapish, imalla tiyajcunata shuhuashcamantapishmi chai llajtamanta chai pueblocunallamanta shamushpa, can imalla charishcacunataca quichushpa apangacuna.

Apocalipsis 16:6

Chai llaquita apajcunaca jucha illajcunatapish, cambaj profetacunatapish yahuarta jichashpami huañuchircacuna. Chaimantami canpish paicuna chasquina cashca shinallataj yahuarta ubyachishcangui” nircami.