PROVERBIOS 13:1 - Dios Rimashca Shimicunami

¹ Yachaisapa churica, yaya cunashcata cazunmi. Ashtahuanpish chanzata ruraj churica, mashnata jarcajpipish manataj uyanchu.

PROVERBIOS 13:1 Iomraidhean Croise

1 REYES 22:43

Josafatca Mandaj Diospaj ñaupajpica imata mana pandashpami, paipaj yaya Asa purishca shinallataj mana maiman anchurishpa chai ñancunallapi purirca. Chashna ruraj cashpapish lomacunapi tiyaj altarcunapi israelcuna sacrificiota ruracushcamanta, inciensota rupachicushcamantaraj mana anchuchi tucurcachu.

PROVERBIOS 10:1

Yuyachij cai sumaj shimicunaca, Salomonllataj quillcashcami. Yachaisapa churica, yaya mamata cushichinmi. Ashtahuanpish rumi shungu churica, llaquichishpallami causan.

PROVERBIOS 12:15

Rumi shungu runaca paipaj yuyaipica, alli ñantami puricuni yuyanmi. Ashtahuanpish cunashcata cazujca yachajtajmi.

PROVERBIOS 14:6

Mana cazushpa asijcunaca alli yachaita yachasha nishpapish, manataj yachai tucunchu. Ashtahuanpish yuyaisapa runapajca, alli yachaita yachanaca jahuallamari.

PROVERBIOS 15:12

Mana cazushpa asijca, imata jarcajtaca p'iñanmi. Yachaisapacunahuanca mana tandanacunallapishchu.

PROVERBIOS 15:20

Yachaisapa churica, paipaj yayatami cushichin. Ashtahuanpish rumi shungu runaca, mamata p'iñanmi.

PROVERBIOS 15:5

Rumi shungu churica, yaya cunashcatapish p'iñashpa mana chasquinchu. Ashtahuanpish jarcashcata cazujca, alli yuyaiyujmi tucunga.

PROVERBIOS 7:24

Huahuacuna, cancunapish ama chashna tucungapajca, ñuca shimihuan yuyaita cushcataca, rinrinta mañachishpa uyaichigari.

1 SAMUEL 2:25

Maijanpish shuj runata llaquichijpica, juezcunami ricushpa imatapish ninga. Mandaj Diosta p'iñachishpa juchallijpica ¿pitaj paimantaca rogaringari?” nircami. Mandaj Dios paicunapaj causaita quichunataj cashcacuna cashpami, paicunapaj yaya rimashcataca mana uyarcacuna.