PROVERBIOS 11:3 - Dios Rimashca Shimicunami

³ Alli runacunataca ima pandata mana rurashpa causashcallatajmi alli ñanta pushanga. Ashtahuanpish juchata rurajcunataca, paicuna millai cashcallatajmi tucuchinga.

PROVERBIOS 11:3 Iomraidhean Croise

SALMOS 25:21

Quiquinpi shunguta churashcamantaca ñuca cashcata ruraj cashca imapi mana pandaj cashca ñucataca huaquichichun.

SALMOS 26:1

Mandaj Dioslla, ñuca ima shina cashcata ricuhuailla. Ñucaca ima juchachinata mana rurashpami purircani. Caita chaita mana yuyashpami Mandaj Diosllapi shunguta churarcani.

PROVERBIOS 11:5

Ima pandata mana rurajtaca, cashcata pai rurashcallatajmi causaipica alli pushan. Ashtahuanpish Diosta mana manchaj runaca, paillataj mana manchashcamantami urmanga.

PROVERBIOS 13:6

Ima pandata mana rurashpa causaj runataca, cashcata rurashcamari huaquichin. Ashtahuanpish juchata ruraj runataca, Diosta mana manchashpa causashcami llaquiman apan.

PROVERBIOS 19:3

Quiquinllataj ch'ahuanyashca cashcamanta pandarishpaca, Mandaj Diostami juchachincuna.

PROVERBIOS 2:22

Ashtahuanpish Diosta mana manchajcunaca, cai llajtamanta llujshichishpa cachashcami canga. Mana cazujcunapish, sapimantami aisashpa shitashca cangacuna.

PROVERBIOS 21:7

Mana manchajcunaca cashcata ruranataca, mana munancunachu. Paicuna shuhuashpa charishcallatajmi tucuchinga.

PROVERBIOS 22:12

Mandaj Diosca alli yachana tiyachunmi ricuracun. Ashtahuanpish mana cazujcuna imata ruracujtaca pandachinllami.

PROVERBIOS 28:18

Ima pandata mana rurashpa causajca, llaquimanta quishpiringallami. Ashtahuanpish millaita rurashpa causaj runaca ima llaquipipish urmangallami.

ECLESIASTÉS 7:17

Ama yalli millai canguichu, ch'ahuanpish ama canguichu. Manaraj huañuna punllapica, ama huañuna tucunguichu.

ISAÍAS 1:28

C'ariyajcunata, juchasapacunataca shuj cutin ñutushcami cangacuna. Mandaj Diosmanta caruyashcacunataca chingachishcami cangacuna.

NÚMEROS 31:8

Chaicunata huañuchishca jahuapish Madián llajtata jatun mandajcunataca Evi, Requem, Zur, Hur, Reba shuti pichca jatun mandajcunatapishmi huañuchirca. Beorpaj churi Balaamtapish espadahuanmi huañuchirca.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.