PROVERBIOS 10:3 - Dios Rimashca Shimicunami

³ Mandaj Diosca cashcata rurajtaca, yaricaillahuanpish mana charinchu. Ashtahuanpish paita mana manchajcunataca, paicuna millaita rurashcallatajmi llaquipi urmachinga.

PROVERBIOS 10:3 Iomraidhean Croise

JOB 15:23

Micunata charishca jahuallatajmi ¿micunaca maipitagari? nishpa musparishpa purin. Manchanana amsa punlla allichishca shuyacujtapish yachanllatajmi.

JOB 20:28

Paipaj huasipi tiyaj retoñocunaca apashcami cangacuna. Pai p'iñari punllaca, urata janajtami tsiraparingacuna.

JOB 5:20

Cantaca yaricaihuan huañunamantapish quishpichingami. Jatun macanacuipipish espadapi huañunamanta quishpichingami.

SALMOS 10:14

Mana allita rurajtaca, canllataj ricunguimi. Paitapish cambaj maquihuan chai shinallataj llaquichingapajmi ricuracungui. Mana mitsari tucujcunaca cantami mashcan. Yaya mama illajcunamantaca Canmi shayaringui.

SALMOS 112:10

Millai runa chaita ricushpaca, yallitajmi p'iñaringa. Quirucunata canirishpami chingaringa. Diosta mana rijsijcunapaj munaica chingarigringami.

SALMOS 33:19

Huañunallapi cajpipish quishpichingapajmi ricuracun. Yaricai punllacunapi huañucujpipish causaita cungapajmi ricuracun.

SALMOS 37:19

Llaqui punllacunapipish, pingai tucuchun mana saquingachu. Yaricai punllacunapipish huijsa pajtatami caranga.

SALMOS 37:25

Ñucaca ñami yuyaj cani. Cashcata rurajta Dios shitashcataca, huambramantapacha cunancama manataj ricushcanichu. Cashcata rurajpajca paipaj huahua huahuapish micunata mañashpa purijtaca manataj ricushcanichu.

SALMOS 37:3

Mandaj Diospi shunguta churai, imatapish allita rurai. Quiquin llajtapimi causangui. Cashcata ruraj canahuan junda cai.

PROVERBIOS 13:25

Cashcata rurajca micunatapish pajtatami charincuna. Ashtahuanpish Diosta mana manchajcunaca, chushaj huijsami puringacuna.

PROVERBIOS 14:32

Mana manchaj runataca pai millai cashcallatajmi, jatun llaquipi churan. Ashtahuanpish cashcata ruraj runaca, huañucushpapish shunguta churanmi.

PROVERBIOS 28:25

Imatapish p'iña p'iña quichusha nij runaca, macanacuillatami callarichin. Ashtahuanpish Mandaj Diospi shunguta churajmanca allicunata cungatajmi.

PROVERBIOS 28:9

Mandashcata mana uyasha nijtaca, pai mañashcatapish Diosca manataj uyanachinchu.

ISAÍAS 33:16

jahua pachapica causanga. Paicuna miticunaca muyundijta yacu rumihuan pircashcami. Paicunapajca chaipica micunapish, yacupish mana illangachu.

SOFONÍAS 1:18

Mandaj Dios jatunta p'iñarishpa llaquichicui punllapica, paicunapaj cullquipish, curipish mana quishpichi tucungachu. Ashtahuanpish Mandaj Diosca jatunta p'iñarishpami, cai pachataca ninahuan tucuita tucuchinga. Cai pachapi causajcunataca, ñapish tucuita tucuchingallami.

Lucas 12:31

Cancunaca Taita Dios mandashcaraj tucuichij. Chaipica Taita Diosca ima charina cashcataca cancunaman cungallami.