PROVERBIOS 10:2 - Dios Rimashca Shimicunami

² Millaita rurashpa charijyashcacunaca, ima allita mana cunchu. Ashtahuanpish cashcata ruranaca huañuimantapish quishpichinmi.

PROVERBIOS 10:2 Iomraidhean Croise

PROVERBIOS 11:4

Taita Dios p'iñarishpa llaquichi punllapica, imata charishcapish mana quishpichingachu. Ashtahuanpish cashcata rurashcaca, huañuimanta quishpichingami.

PROVERBIOS 12:28

Cashcata ruranaca, causaiman pushaj ñanmi. Chai ñanca huañuipica mana churanchu.

PROVERBIOS 13:11

Yanga ruranacunahuan charijyajcunaca, japishcahuanmi tucuchincuna. Ashtahuanpish trabajashpa japijcunaca mirachincunami.

PROVERBIOS 21:6

Umashpalla jahuanpi jahuanpi charijyajcunaca, huañuitami mashcancuna. Chai charinacunapish samai shina chingarinllami.

EZEQUIEL 7:19

Paicunapaj cullquitapish ñancunapimi shitangacuna. Curitapish imapaj mana valijta shinami shitangacuna. Mandaj Dios jatunta p'iñari punllaca paicunapaj cullquipish, curipish mana quishpichi tucungachu, yaricaitapish mana parachi tucungacunachu, huijsapipish mana pajtata micungacunachu. Paicunapaj cullquimi curimi tsagnachishpa millaita rurachirca.

DANIEL 4:27

Chaimanta jatun mandajlla ñuca cunashcata uyai: Cashcata rurashpa juchata ruracushcamantaca llujshi. Llaquichishca causacujcunata llaquishpa millaita ruracushcamantaca llujshi. Chashna rurashpaca cushi causaita, alli causaita charinguipishchari” nirca.

SOFONÍAS 1:18

Mandaj Dios jatunta p'iñarishpa llaquichicui punllapica, paicunapaj cullquipish, curipish mana quishpichi tucungachu. Ashtahuanpish Mandaj Diosca jatunta p'iñarishpami, cai pachataca ninahuan tucuita tucuchinga. Cai pachapi causajcunataca, ñapish tucuita tucuchingallami.

Romanos 2:5

Ashtahuanpish cambaj rumiyashca, mana cutirisha nij shungumantami, Taita Dios p'iñarishpa ima shina rurashcatataj ricuchishpa llaquichina punllapaj cambajllataj huaquichicungui.

Romanos 5:21

Ima shinami juchaca huañuiman apangapaj mandacurca, chai shinallatajmi ñucanchij Mandaj Jesucristomantaca, mana c'uyaipajta c'uyaipish justificashcacunataca huiñai causaita cushpa huiñaipaj mandanga.

Filipenses 3:9

Paihuanmi shujlla casha nini. Mandashcapi nishca shinata rurashpa ñuca quiquin justificarinataca mana yuyanichu. Ashtahuanpish justificashca canataca, Cristopi crishpami japircani. Chaica Diosmantami shamun, crishpallami japina.