PROVERBIOS 1:9 - Dios Rimashca Shimicunami

⁹ Chai shimicunaca sumaj coronata cambaj umapi churachishca shinami canga, sumaj huallcata cungapi aparishca shinami canga.

PROVERBIOS 1:9 Iomraidhean Croise

GÉNESIS 41:42

Faraonca, paipaj maquimanta sortijasta llujshichishpaca Josepaj maquipimi churachirca. Ashtahuan alli lino sumaj churanatami churachirca. Cungapipish curimanta rurashca sumaj huallcatami apachirca.

SALMOS 73:6

Paicunamanca jatun tucunami coronata churachin. Millaita ruranahuanmi churarin.

PROVERBIOS 3:22

Chaimi cambaj almamanca causaita cunga. Cunga uripi ima sumaj ricunata aparishca shinami canga.

PROVERBIOS 3:3

Llaquij canata, mana umaj canataca, amataj saquinguichu. Cungapi aparishca shina, shungupi quillcashca shina chai yuyai puringui.

PROVERBIOS 4:9

Cambaj umapipish, sumaj ricunatami churachinga. Sumaj ricurina coronatami cunga” nishpami yachachij carca.

CANTARES 1:10

Cambaj quijaduscunaca can aparishca zarcillo chaupipica sumajmari ricurin. Cungapipish sumaj huallcacunata aparishcamari cangui.

CANTARES 4:9

Ñuca panilla, ñuca c'uyashca huarmiculla, cambaj ñahuihuan ricushpamari, ñuca shunguta aparcangui. Shuj ricuillapimari ñuca shungutaca shuhuarcangui, cambaj huallcata pallana puchcahuanmari huatashpa aparcangui.

ISAÍAS 3:19

huallcacunatapish, zarcillocunatapish brazaletecunatapish,

JEREMÍAS 35:8

Recabpaj churi ñucanchij ñaupa yaya Jonadab imallata mandashcatamari tucuita pajtachishpa causanchij. Ñucanchijca pai mandashca shinallataj ñucanchij huarmicunapish, ñucanchij churicunapish, ushushicunapish vinotaca manataj ubyanchijchu.

EZEQUIEL 16:11

Cantaca sumajcunahuanmi sumajyachircani, maquicunapica brazaletecunata, cungapica huallcacunatami apachircani.

DANIEL 5:16

Ñucaca cantaca imatapish ricushpa chai imata nisha nishcatapish, pi mana huillai tucushcatapish huillajlla cashcatami uyarcani. Cunan cai quillcata rezashpa, chai imata nisha nishcata huillajpica, morado sumaj churanatami churachishca cangui. Cambaj cungapipish shuj curi huallcatami apachishca cangui. Ñuca mandacunpipish, ñuca churashca mandajpaj q'uipa mandaj cachunmi churasha– nircami.

DANIEL 5:29

Shina nijpimi Belsasarca, Danielmanca morado churanata churachishpa, shuj curi huallcata cungapi apachishpa, pai churashca mandajpaj q'uipa mandajmi nishpa tucuicunaman huillachun mandarca.

DANIEL 5:7

Jatun mandajca sinchita caparishpami jatun yachajcunatapish, caldeocunatapish, adivinocunatapish paipajman pushamuchishpa Babiloniapaj jatun yachajcunataca cashna nirca: –Maijanpish chai quillcata rezashpa chai imata nisha nishcata huillajmanca morado sumaj churanatami churachisha, cungapipish shuj curi huallcatami apachisha. Ñuca mandacunpipish, ñuca churashca mandajpaj q'uipa mandaj cachunmi churasha– nircami.