PROVERBIOS 1:7 - Dios Rimashca Shimicunami

⁷ Alli yachaj cangapaj callarica, Mandaj Diosta manchanami. Chashna cajpipish ch'ahuanyashcacunaca, alli yachaita yachachishcatapish p'iñancunami.

PROVERBIOS 1:7 Iomraidhean Croise

JOB 28:28

Chaimantaca runamanca: Alli yachaica Jatun Diosta manchanami. Alli yuyaica millaimanta anchurinami nishcami nircami.

SALMOS 111:10

Yachaipaj callarica, Mandaj Diosta manchanami. Pai mandashcacunata rurashpa causajcunaca alli yuyaicunatami charincuna. Mandaj Diosta alabanaca huiñaipajmi.

PROVERBIOS 1:22

“Yachai illajcuna, ¿maicamataj yachai illajllataj causashun ninguichij? Chanzata rurajcuna, ¿maicamataj chanzata rurashpa cushicunguichigari? Ch'ahuanyashcacuna, ¿maicamataj yachanataca p'iñanguichigari?

PROVERBIOS 15:32

Cazuchun rimashcata yangata ruraj runaca, quiquin causaillatatajmi p'iñan. Ashtahuanpish yuyaita japishca runaca, alli tucuchun rimashcatapish cazunmi.

PROVERBIOS 15:33

Mandaj Diosta manchanaca, alli yachajta ruraj yachanami. Alli nishca cangapajca, mana jatun tucushca canachu.

PROVERBIOS 15:5

Rumi shungu churica, yaya cunashcatapish p'iñashpa mana chasquinchu. Ashtahuanpish jarcashcata cazujca, alli yuyaiyujmi tucunga.

PROVERBIOS 18:2

Rumi shungu runaca, alli yuyaita cuchunca mana munanchu. Ashtahuanpish paipaj shungu yuyashcallatami uyachun munan.

PROVERBIOS 2:5

Chashnamari Mandaj Diosta manchanataca yachangui. Taita Diosmanta alli yachaitapish japinguimi.

PROVERBIOS 23:9

Rumi shungu runataca, ama imata rimanguichu. Can cushca alli yuyaicunataca, yangata rurashpa asingallami.

PROVERBIOS 9:10

Alli yachaipaj callarica, Mandaj Diosta manchanami. Ima jucha illaj Diosta rijsinaca, alli yuyaimi.

ECLESIASTÉS 12:13

Cai tucuita yachachishca q'uipa, ña tucuchingapajca caitami nini: Diostaca manchashpa cazungui, pai mandashcacunatapish pajtachingui. Cai pachapi causajcunapajca, tucuimanta yalli allica chaimi.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

DEUTERONOMIO 4:6

Chai yachachishcacunataca huaquichishpa, chai yuyailla tucushpa pajtachinguichij. Chaicunami shujtajcunapaj ñaupajpica cancuna yachai sapa cashcata, yuyaisapa cashcata ricuchinga. Cai mandashcacunamanta yachachishcata uyashpaca: Cai runacunatajca yachaisapa, yuyai sapa jatun llajta gentecunamari ningacunami.