PROVERBIOS 1:5 - Dios Rimashca Shimicunami

⁵ Yachaisapa runa caita uyashpaca, ashtahuan yachajmi tucunga. Yuyaisapa runapish cunashcata chasquingami.

PROVERBIOS 1:5 Iomraidhean Croise

2 CRÓNICAS 25:16

Profeta chashna nijpica, jatun mandajca: –¿Cantaca jatun mandajta cunaj cachunchu churarcacuna imatagari? Canca imata mana ninachu cangui. ¿Ima nishpataj canllataj huañuita mashcangui?– nircami. Chashna nijpica, profetaca caillatami nirca: –Ñuca cunashcata mana cazushpa, cashna millaita rurashcamantaca Diosca cantaca chingachishatajmi nircami. Chaitaca yachanimi– nircami.

JOB 34:10

Chaimanta alli yuyaita charijcuna caita alli uyaichij: Mana allita ruranaca Diosmantaca carupimi cachun nini. Millaita ruranapish, Tucuita Rurai Tucuj Diosmantaca carupimi cachun nini.

JOB 34:16

Can alli yuyaiyuj cashpaca caita alli uyai, ñuca rimashcapi yuyaita churayari.

JOB 34:2

“Alli yachajcuna, alli yuyaita charijcuna, ñuca rimashca shimicunata alli uyahuaichij.

JOB 34:34

Alli yuyaiyuj runacunapish, ñucata uyacuj yachaisapa runapish cashnami ningacuna:

PROVERBIOS 12:1

Alli yachaita munajca, yachachichun munanmi. Alli yuyaita mana charijcunaca jarcashpa yachachijpipish, p'iñarishpa mana uyancunachu.

PROVERBIOS 14:6

Mana cazushpa asijcunaca alli yachaita yachasha nishpapish, manataj yachai tucunchu. Ashtahuanpish yuyaisapa runapajca, alli yachaita yachanaca jahuallamari.

PROVERBIOS 18:15

Yuyaisapa runaca alli yachaitaca, ashtahuanmi yachashpa catin. Yachaisapacunaca yachanataca, ashtahuanmi uyanachin.

PROVERBIOS 19:25

Mana cazushpa asij runata macajta ricushpaca, yachai illaj runapish cazunata yachanmi. Yuyaisapa runacarin alli tucuchun rimajllapitaj, yachanapica ashtahuanmi yuyaita japin.

PROVERBIOS 21:11

Mana cazushpa asijcunata macajta ricushpaca, yachai illaj runapish yachaisapami tucun. Yachaisapa runacarin cunajllapitaj, ashtahuanmi yachashpa catin.

PROVERBIOS 8:33

Ñuca cunashcata alli uyashpa, yachaj caichij. Caitaca ama yanga cashcata yuyashpa saquichijchu.

PROVERBIOS 9:8

Ama p'iñai tucungapajca, mana cazushpa asijtaca, alli tucui nishpa ama rimanguichu. Ashtahuanpish yachaisapa runa pandaricujpi, paita jarcangui. Paica canta c'uyangamari. Yachajman yuyaita cui, paica ashtahuan yachajmi tucunga.

PROVERBIOS 9:9

Yachaisapa runata yachachijpica, ashtahuanmari yachaj tucunga. Cashcata rurajman yachachiyari, paica ashtahuanmari yachanga.

ECLESIASTÉS 9:11

Inti achijyachicun cai pachapica caitapishmi ricuni: Mishanacuipica mana alli callpajcunallachu mishancuna. Macanacuipipish mana c'ari c'aricunallachu mishancuna. Micunatapish mana yachajcunallachu allita micuncuna. Charijyanatapish mana alli yuyaiyujcunallachu charijyancuna. Chasquinatapish mana sumajta rimajllata alli chasquincunachu. Ashtahuanpish ima punlla ima tucuna cashpaca, chashna tucunllami.

1 Corintios 10:15

Cancunataca alli yuyaiyujcuna cajpimi rimani. Cancunallataj ñuca nishcataca alli yuyarichij.

DEUTERONOMIO 4:6

Chai yachachishcacunataca huaquichishpa, chai yuyailla tucushpa pajtachinguichij. Chaicunami shujtajcunapaj ñaupajpica cancuna yachai sapa cashcata, yuyaisapa cashcata ricuchinga. Cai mandashcacunamanta yachachishcata uyashpaca: Cai runacunatajca yachaisapa, yuyai sapa jatun llajta gentecunamari ningacunami.