PROVERBIOS 1:4 - Dios Rimashca Shimicunami

⁴ Shinallataj yachai illajcunata, q'uipa huiñaicunatapish alli yuyaita japishpa, alli yuyaihuan causanatami yachachin.

PROVERBIOS 1:4 Iomraidhean Croise

SALMOS 116:6

Mandaj Diosca mana jatun tucushcacunata huaquichijmi. Ñucataca ña huañunallatamari quishpichihuarca.

SALMOS 119:130

Quiquinpaj shimicunata alli, alli yachachijpica, achijyachinmari. Yachai illajcunatapish entendichinmari.

SALMOS 119:9

Q'uipa huiñaica, ¿imahuantaj paipaj ñantaca chuyayachingari? Quiquinpaj shimita huaquichishpallami chuyayachi tucunga.

SALMOS 19:7

Mandaj Dios mandashcaca ima mana pandachu. Ashtahuanpish almata mushujyachijmi. Ima shina causanata Mandaj Dios yachachishcaca chashnatajmi. Manaraj yachajtapish yachaisapata rurajmi.

SALMOS 34:11

Shamuichij huahuacuna, ñucata uyaichij. Cancunamanca Mandaj Diosta manchanatami yachachigrini.

PROVERBIOS 3:21

Ñuca huahualla, caicunataca pajta cambaj ñahuimanta anchuchinguiman. Mandashcatapish, cunashcatapish huaquichingui.

PROVERBIOS 8:12

Ñuca cai alli yachaica, alli yuyaihuanmi tandalla tiyani. Chaimantami cunanatapish alli yachaihuan cunani.

PROVERBIOS 8:17

Ñucata c'uyajcunataca, ñucapish c'uyanimi. Tutamantaman mashcajcunallami ñucataca japincuna.

PROVERBIOS 8:32

Chaimanta cunanca ñucata uyahuaichij, huahuacuna. Ñuca ñanta catijcunaca cushicushpami causancuna.

PROVERBIOS 8:5

Yachai illajcuna, alli yuyaita japichij. Rumi shungucunapish, alli yuyaita japichij.

ECLESIASTÉS 11:9

Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui.

ISAÍAS 35:8

Chaipica rumicunahuan allichishca ñanmi tiyanga. Chai ñanca: “Jucha illaj Ñan” nishcami canga. Mapacunaca chai ñantaca mana puringacunachu. Ashtahuanpish Taita Diostajmi paicunahuan canga. Maijanpish chai ñanpi puricujca imata mana jahualla yachai tucuipaj cashpapish mana pandaringachu.

DEUTERONOMIO 4:6

Chai yachachishcacunataca huaquichishpa, chai yuyailla tucushpa pajtachinguichij. Chaicunami shujtajcunapaj ñaupajpica cancuna yachai sapa cashcata, yuyaisapa cashcata ricuchinga. Cai mandashcacunamanta yachachishcata uyashpaca: Cai runacunatajca yachaisapa, yuyai sapa jatun llajta gentecunamari ningacunami.

2 Timoteo 2:22

Q'uipa huiñaicunapaj millai munaita ruranamanta anchuri. Mandaj Jesusta chuya shunguhuan mañajcunahuan tandanacushpa, cashcata ruranata, alli crinata, c'uyaj canata, sumajta causanata catirai.

Tito 2:6

Shinallataj chairaj c'aricunatapish alli yuyaiyujcuna cachun yuyachishpa rimai.