PROVERBIOS 1:1 - Dios Rimashca Shimicunami

¹ Cai yuyachij shimicunaca Davidpaj churi, israelcunata jatun mandaj Salomón quillcashcami.

PROVERBIOS 1:1 Iomraidhean Croise

1 REYES 2:12

Salomonca paipaj yaya David mandashpa tiyarinapimi tiyarirca. Pai mandacujpica pi mana cuyuchipajmi carca.

1 REYES 5:12

Mandaj Diosca Salomonmanca pai cusha nishca shinallatajmi yachaita curca. Hiramhuan, Salomonhuanca sumajta causangapaj ishquindij ari ninacushpami sumajta causarcacuna.

1 CRÓNICAS 22:9

Riqui cambajca shuj churimi huacharinga. Muyundij llajtacunapi causajcunaman mana p'iñanacushpa sumajta causana yuyaita ñuca cujpimi, paica mana p'iñanacushpa sumajta causaj runa canga. Chaimantami paica Salomón shuti canga. Paipaj tucui causaipimi, israelcunataca sumaj causaita cushpa samachisha.

1 CRÓNICAS 28:5

(Mandaj Diosca ñucamanca, achca churicunatami cuhuarca). Cunanca chai tucui ñuca churicunapuramantaca, israelcunata mandanapi tiyarichunca ñuca churi Salomontamari agllashca.

1 CRÓNICAS 29:23

Chaimi Salomonca, Mandaj Dios cushca mandanapica, paipaj yaya Davidpaj randi tiyarirca. Paica tucui imapipish allimi carca. Tucui israelcunami cazurcacuna.

1 CRÓNICAS 29:28

Paica achcata charij, tucuicuna alli nishca achca huatacunata causashpa yallitaj yuyaj cashpami huañurca. Pai huañujpica, paipaj churi Salomonmi paipaj randi mandarca.

PROVERBIOS 10:1

Yuyachij cai sumaj shimicunaca, Salomonllataj quillcashcami. Yachaisapa churica, yaya mamata cushichinmi. Ashtahuanpish rumi shungu churica, llaquichishpallami causan.

PROVERBIOS 22:21

Cai shimicunataca mana llulla cashcata yachachunpish, cai mana llullaj shimicunataca, canta cachajcunaman tigra huillagrichunpishmi quillcarcani.

PROVERBIOS 25:1

Judá llajtata jatun mandaj Ezequiaspaj quillcajcunami, Salomonllataj rimashca yuyachij shimicunata cutin cashna quillcarcacuna:

ECLESIASTÉS 1:1

Davidpaj churi huillajca, Jerusalenpi jatun mandajmi carca. Cai shimicunaca pai huillashca sumaj shimicunami.

ECLESIASTÉS 12:9

Huillaj ñucaca, ashtahuan yachaj tucushpaca gentecunamanpish ashtahuanmi alli yachaitaca yachachircani. Yuyaita churashpataj, callarishpa tucuita alli yuyarishpami, yuyaita japina proverbios nishca shimicunataca achcata quillcarcani. Sumajta allichishpa churashca chai shimicunataca uyachircanipish, rezashpa yuyarichun curcanipishmi.

Juan 16:25

Caicamaca cancunamanca parlocunahuan ch'imbapurashpallami parlarcani. Ña mana parlocunallahuan ch'imbapurashpa huillanami chayamucun. Chaimanta ñuca Yayamantaca cancunamanca allitajmi huillasha.