OSEAS 3:2 - Dios Rimashca Shimicunami

² Shina nijpimi chai huarmitaca ñucapaj cachun chunga pichca siclo cullquihuan, shuj homer chaupi cebadahuan randircani.

OSEAS 3:2 Iomraidhean Croise

GÉNESIS 31:41

Chashnami ñucaca ishqui chunga huatacunata cambajta rurashpa causarcani. Chunga chuscu huatacunataca cambaj ishqui ushushicunamantami, cambajta rurarcani. Sujta huatacunataca cambajta cai ñuca japishca animalcunamantami cambajta rurarcani. Shina cajpipish ñucaman cusha nishcataca shuj cutinllapish mana chaitataj pajtachishpami, chunga cutin shujtajyachircangui.

GÉNESIS 34:12

Shuj huarmimanta cuna cashcacunatapish, convidana cashcacunatapish ashtahuan yallihuan mañaichijlla. Ñucaca cancuna mashnata mañashcata cushallami. Ashtahuanca solterata ñuca huarmi cachun cupaichij– nircami.

ÉXODO 22:17

Solterapaj yaya paipaj huarmi cachun mana cusha nijpica, c'arihuan manaraj chayarinacushca huarmimanta mashnata cuna cashcatataj pagachun.

ISAÍAS 5:10

Chunga huagra yuntahuan yapushca uva chagraca shuj barril vinopajlla uvatami p'ucunga. Chunga costal muyu yaicushca trigo chagrapish, shuj costal trigollatami p'ucunga.

EZEQUIEL 45:11

Efa nishca medidaca, bato nishca medida shinallatajmi apanga. Bato nishca medinaca, shuj homerta chungapi chaupishca shuj mirgami canga. Shinallataj efa nishca medinapish, shuj homerta chungapi chaupishca shuj mirgami canga. Chai medinacunaca, homer nishca medina shinallatajmi apanga.

OSEAS 3:3

Ñucaca paitaca: “Canca achca huatacunacamami ñucapajlla cangui, ama huainayangui, shujtaj c'ariman ama curingui, ñucapish canhuanca chai shinallatajmi casha” nircanimi.

LEVÍTICO 27:16

Maijanpish paipaj allpacunamanta asha allpata Mandaj Diosman cujpica, chai allpaca mashnata tarpuj cashcaca chaimi valinga. Shuj homer cebadata tarpuna cajpica, chai allpaca pichca chunga siclo cullquimi valinga.

RUT 4:10

Mahlonpaj huarmi cashca Moabmanta caj Ruttapish ñuca huarmi cachunmi japini. Chai huarmipi huahuacunata charijpimi, Mahlón imallata japina cashcataca paicuna japijpi, paipaj familiapurapipish cai pueblo pungupi cajcunapajpipish paipaj shutica mana anchuchishca canga. Cunanca tucui caicunataca cancunami uyajcuna ricujcuna canguichij– nircami.

1 SAMUEL 18:25

Saulca, paipajta rurajcunataca: –Davidmanca cashna nichij: Jatun mandajca paipaj ushushimanta imata cuna cashcataca mana mañanchu. Ashtahuanpish jatun mandajta p'iñaj filisteocunata patsajta huañuchishpa, paicunapaj charishca mirga aicha carata p'itishpa apamuchunmi munan– nichunmi mandarca. Saulca Davidta filisteocunapaj maquipi urmachinata yuyashpami chashna nirca.