OSEAS 3:1 - Dios Rimashca Shimicunami

¹ Mandaj Diosca cutinllatajmi ñucataca cashna nirca: “Shujtaj c'arihuan c'uyanacushpa, huainayashpa causacuj cambaj huarmita c'uyagri. Israelcunaca chai shinallatajmi Mandaj Diosta saquishpa shujtaj dioscunata adorashpa, pasas tortillata chai dioscunaman cushpa micucuncuna. Chashna cajpipish Mandaj Diosca c'uyanmi” nircami.

OSEAS 3:1 Iomraidhean Croise

2 SAMUEL 6:19

Chai q'uipaca tucui chaipi cajcunaman, tucui tandanacushca israelcunamanmi c'aricunamanpish, huarmicunamanpish cada shujman shuj tandahuan, mirga aichahuan, chaquichishca uvahuan rurashca shuj tandahuan cararca. Chaimantaca, tucuicuna paicunapaj huasicunaman rircallacunami.

2 REYES 13:23

Chaimi Mandaj Diosca paicunata llaquishpa c'uyashpa paicunaca llaquitamari apacuncuna nishpaca, Abrahamhuan, Isaachuan, Jacobhuan ari ninacushcata yuyarishpa, manataj tucuita chingachishachu nirca. Chashna nishpaca cunan punllacamami paipaj ñaupajmantaca mana tucui anchuchin.

1 CRÓNICAS 16:3

Chai q'uipaca tucui israelcunamanmi c'aricunamanpish, huarmicunamanpish cada shujman shuj tandahuan, mirga aichahuan, chaquishca uvata rurashca shuj tandahuan cararca.

NEHEMÍAS 9:31

Ashtahuanpish quiquinca yallitaj c'uyaj cashpami, paicunataca mana chingachishcangui. Mana saquishcangui. C'uyaj, llaquij Dios cashcamantami chashna rurashcangui.

SALMOS 123:2

Amopajta rurajcuna paicunapaj amocunapaj maquita chaparaj shina, amapajta ruraj huarmi paipaj amapaj maquita chaparaj shinami Mandaj Dios ñucanchij Taita Diostaca chaparacunchij. Ñucanchijta llaquingacamami chaparacunchij.

ÉXODO 32:6

Cayandij tutamanta utca jatarishpami tucuita cushpa rupachinatapish, alli cangapaj cuna cashcatapish curcacuna. Tucuicunami micungapaj ubyangapaj tiyarircacuna. Chai q'uipaca cushicungapajmi jatarircacuna.

CANTARES 2:5

Pasasta carahuaichigari, manzanata carashpa cushichihuaichigari, paita ricunaihuan ungushcamari cani.

ISAÍAS 45:22

¡Tucui cai pachapi causajcuna ñucata chaparaichij. Quishpichishcami canguichij. Ñucami Diostajca cani, pi shujtajca mana tiyanchu!

JEREMÍAS 3:20

Ashtahuanpish can israelcunaca shuj mana c'uyaj huarmi paipaj cusata shitaj shinamari ñucataca mana cazushpa shitarcanguichij. Mandaj Diostajmi chashna nini.

JEREMÍAS 31:20

Efrainca mana ñuca c'uyashca huahua cajpichu, mana ñuca cushicuna huahua cajpichu mana llaquishari. Paimanta rimashpaca, paitaca punllanta yuyaricunillami. Ñuca paita yuyarishpaca, shungumantami llaquirini. Paitaca llaquishatajmi.

OSEAS 11:8

Efraín ¿maitataj cantaca saquishari? Israel cantaca shujtajcunapaj maquipica mana churai tucunichu. Cancunataca Adma pueblota shinapish mana llaquichi tucunichu. Zeboim pueblota shinapish mana llaquichi tucunichu. Cancunataca ñuca shungu rupajyashpamari jatun c'uyaihuan c'uyanayanlla.

OSEAS 2:5

Cambaj mamaca huainayashcahuan causaj huarmimi tucurca. Canta huachajca pingai illajmi. Chashna cashpami paica: Micunata, yacuta, millmata, linota, aceiteta, ima ubyanacunatapish ñucaman cujcunata catishpa rishalla nishpa catishpa ricujlla tucurca.

OSEAS 4:11

Huainayana, vinota ubyana, llullu vinota ubyana yuyaimi alli yuyaitaca anchuchin.

OSEAS 7:5

Ñucanchij jatun mandajpaj fiesta punllapica, pai churashca mandajcunaca vinota ubyashpami ungurcacuna. Jatun mandajpish chashnallataj cashpami paita chanzata ruracujcunapajman maquita chutarca.

AMÓS 2:8

Maijan altar c'uchupipish, prendashca churanacunata mantashpami siririncuna. Shinallataj multata cobrashca vinotami paicunapaj rurashcalla dioscunapaj huasipi ubyancuna.

AMÓS 6:6

Cancunaca vinotapish jatun tasacunapimi ubyanguichij. Shinallataj cancunapaj aichapica, tucuimanta yalli mishquijllata ashnajcunallatami churaringuichij. Josepaj huahua huahuacuna llaquita apacujtaca, mana yuyaringuichijchu.

MIQUEAS 7:7

Ashtahuanpish ñucaca Mandaj Diostami chapasha. Ñucata quishpichij Taita Diostami shuyasha. Ñuca Diosmi ñuca mañashcataca uyanga.

ZACARÍAS 1:16

Chaimantami Mandaj Diosca cashna nin: Jerusalenta c'uyashpami, paipajman tigrani. Chai pueblopimi ñuca huasitaca rurangacuna. Jerusalén pueblopimi plomadataca chutanga ninmi tucuita Mandaj Diosca ningui.

Mateo 26:50

Chaimi Jesusca: –Amigo, imata rurangapaj shamushca cashpaca rurailla– nicujpica, chai shamujcunaca Jesuspajman c'uchuyashcahuan ñapish huaicashpa japircallacuna.

1 Corintios 10:21

Mandaj Jesuspaj copamantapish, supaicunapaj copamantapish mana ubyai tucunguichijchu. Mandaj Jesuspaj mezamantapish, supaicunapaj mezamantapish mana micui tucunguichijchu.

1 Corintios 10:7

Paicunamanta maijancuna shina, rurashcalla dioscunata ama adorajcuna caichijchu. Cashnami quillcashca tiyacun: “Tucuicunami micungapaj, ubyangapaj tiyarircacuna, pugllangapajpishmi jatarircacuna” ninmi.

1 Pedro 4:3

Diosta mana rijsijcuna munashcata ruranataca, ñami sarunman yallitaj rurarcanguichij. Aicha munashcata rurashpa, aichata cushichishpa, machashpa, maipish cachun fiestacunata rurashpa, mana alli yuyaicunallahuan cushicushpa, millanayaj rurashcalla dioscunata adorashpami purircanguichij.

JUECES 10:16

Israelcunaca paicunapaj chaupimanta shujtajcunapaj dioscunata tucuita anchuchishpami, Mandaj Diospajllata rurarcacuna. Mandaj Diospish israelcuna ashtahuan llaquita apacuchunllaca ña mana ashtahuan saquircachu.

JUECES 9:27

Paicunaca chaipi causajcunahuan uva chagracunaman llujshishpa uvata tandashpa sarushpa capishpami, jatun micuita rurashpa paicunapaj dioscunapaj huasipi micushpa ubyashpa cushicurcacuna. Abimelectaca llaqui tucushca alli canman nircacunami.