OSEAS 2:3 - Dios Rimashca Shimicunami

³ Mana chashna rurajpica, ñucaca tucuitami quichusha. Lluchullatami saquisha. Huachari punllapi ima shina cashca shinatami saquisha. Shitashca pambata shinami rurasha. Chaquishca allpata shinami saquisha. Yacunaihuan huañuchunmi saquisha.

OSEAS 2:3 Iomraidhean Croise

ÉXODO 17:3

Israelcunaca yallitaj yacunaihuan cashcamantami, Moisestaca juchachishpa: –¿Imapajtaj ñucanchijtaca Egiptomantaca llujshichimurcangui? ¿Ñucanchij huahuacunandij, animalcunandij yacunaihuan huañuchingapajchu pushamurcangui?– nircacuna.

ISAÍAS 33:9

Allpaca llaquilla ungushcamari. Líbano urcu sachaca p'itishcamari chaquirishcamari pingaimi tucushca. Sarón llajtaca shitashca pambamari tucushca. Basán urcupish, Carmelo urcupish chaspishcamari saquirishca.

ISAÍAS 47:3

Cambaj pinganayaj aicha lluchulla tucujpi, shujtajcuna ricujpi pingaimi tucungui. Cancuna ima shinami millaita rurarcanguichij chai shinallatajmi rurasha. Chaimantaca pi mana quishpiri tucungachu ninmi.

ISAÍAS 64:10

Quiquinpajlla ch'icanchishca pueblocunaca shitashcamari. Sionca shitashca pambamari tucushca. Jerusalenca tucui chingachishcamari tucushca.

JEREMÍAS 12:10

Achca michijcuna shamushpami, ñuca c'uyashca uva chagrataca saruchishpa tucuchincuna. Sumaj chagracunatamari tucui chingachishpa, shitashca pambata saquishcacuna.

JEREMÍAS 13:22

Cambaj shungupica: ¿Imamantataj ñucataca cai tucui llaquicuna japinchu imamí? yuyanguichari. Cai tucui millaita rurashcamantamari cambaj changacuna llatanarirca. Sanpi mucucunacamami lluchulla puringui.

JEREMÍAS 13:26

Ñucaca cambaj pingai ricurichunmi, cambaj ñaupaj lado churanata huichi llatanagrini. Chaipimi pinganayajta can puricushcaca ricuringa.

JEREMÍAS 14:3

Charijcunaca, cullqui jahua paicunata servijcunatami yacuman cachancuna. Paicunaca pugyuman chayashpapish, yacuta mana japishpami, chushaj puñucunahuan tigrancuna. Chaimantami yallitaj pingai tucushpa, llaquirishpa umata taparincuna.

JEREMÍAS 17:6

Paicunaca shitashca pambapi retama yura huiñaj shinallami causangacuna. Tucui causaipi ima allicunata mana chasquingacunachu. Pi mana nishpa shitashca, chaquishca allpacunallapimi causangacuna.

JEREMÍAS 2:31

Cunan punlla causacuj israelcunalla, caita uyaichij. Mandaj Diostajmi cashna nini: Can israelcunaca ñuca agllashcacunamari canguichij. ¿Ñucaca cancunapajca shitashca pamba shina, mana cashpaca amsa llajta shinachu carcani imatagari? ¿Imamantataj cancunaca: Cunantajca cacharirinchijtajmi, manataj cutinca cambajman tigrashunchu ninguichigari?

JEREMÍAS 2:6

Paicunaca ña mana ñucata mashcanata yuyarircacunachu. Ñucanchijta Egipto llajtamanta llujshichishpa, shitashca, chaquishca pambacunata pushamuj, ñanllapish mana tiyaj, pi mana purishca, pi mana causashca huañunalla llajtata pushamuj Mandaj Diosca ¿maipitagari? ninataca mana yuyarircacunachu.

JEREMÍAS 22:6

Mandaj Diosca Judá llajtata jatun mandajpaj huasitaca cashnami nin: “Canca ñucapajca Galaad urcu shinami cangui. Líbano jatun urcu punta shinapishmi cangui. Shina cajpipish shitashcatami saquigrini, shuj runallapish illaj pueblotami saquigrini.

JEREMÍAS 4:26

Chagracuna tiyashca pambacunata ricujpipish, shitashca pambacunallami ricurirca. Mandaj Dios yallitaj p'iñarishpami, pueblocunatapish paipaj ñaupajmanta tucui chingachishca carca.

JEREMÍAS 51:43

Tucui chai llajta pueblocunamari shitashca saquirishca. Imapish illaj, chaquishca allpallamari. Chai shitashca allpapica, pi mana causangachu. Chaitaca pi mana puringallapishchu.

JEREMÍAS 51:5

Israelcunatapish, Judá runacunatapish paicunapaj Diosca mana shitashcachu. Cusa huañujpi viuda saquirij huarmi shinaca, mana saquirishcacunachu. Juchahuan llajtata mapayachishpa, paicunapaj jucha illaj Diosta p'iñachishca cajpipish, tucuita Mandaj Diosca mana saquishcachu.

EZEQUIEL 16:22

Tucui laya millaita rurana, huainayana yuyaicunallahuan yallitaj junda cashpami, llullu huahuaraj cashpa churana illaj lluchulla cashcatapish, yahuarpi singuricushcatapish mana yuyarircangui.

EZEQUIEL 19:13

Cunanca chai yuraca shitashca pambapi, yacupish illajlla chaquishca allpapimi tarpushca tiyacun.

OSEAS 13:15

Huauquicunapurapica pai miraricujpipish inti llujshin ladomanta huaira shamushpa, shitashca pambamanta Mandaj Diospaj huaira jatarishpami pajchashpa llujshicuj yacutaca chaquichinga. Pajchashpa llujshicuj jatun yacucunaca chaquiringami. Paicunapaj achca valij sumaj charinacunatapish quichushpami apanga.

OSEAS 2:10

Paita c'uyajcunapaj ñaupajpica pai ima shina lluchulla cashcata ricuchishpami pingachisha. Ñuca maquimantaca pi mana quishpichingachu.

Apocalipsis 17:16

Can ricushca jatun animalpish, chunga gachucunapish, huainayashpa causaj huarmitaca shitashca lluchullatami saquingacuna. Paipaj aichataca micungacunami, ninapi rupachingacunapishmi.

JUECES 15:18

Sansonca yallitaj yacunaihuan cashpami, Mandaj Diostaca: “Canca cambajta ruraj runata mishachishpamari jatun quishpirinata cushcangui. Chashna cashca jahua yacunaihuan huañucushpa circuncisionta mana rurashcacunapaj maquipi japitucuchun ama saquihuaichu” nishpami mañarca.