NÚMEROS 9:8 - Dios Rimashca Shimicunami

⁸ Chaimi Moisesca: –Shuyaichij, Mandaj Dios cancunamanta imata nishcata uyasha– nirca.

NÚMEROS 9:8 Iomraidhean Croise

2 CRÓNICAS 20:17

Cunanpica mana cancuna macanacunachu canguichij, ashtahuanpish casijlla shayanguichijlla. Chashnami ñucataj cancunata quishpichijta ricunguichij. Judá llajtapi causajcunapish, Jerusalenpi causajcunapish ama manchaichijchu, ama huashayaichijchu. Cayataj tupanaman llujshichij. Mandaj Dios ñucatajmi cancunahuan casha ninmi” nircami.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

SALMOS 85:8

Mandaj Taita Dios rimashcatamari uyasha. Pai agllashcacunamanca sumaj causaitamari huillanga. Paipaj jucha illajcunamanca sumaj causaitamari huillanga. Imapish mana ruranaman cutin ama tigrachunmi chashna huillanga.

ÉXODO 14:13

Chaimi Moisesca israelcunataca: –Ama manchashpa sinchi sinchi caichijlla. Ricunguichij cunan ima shinami Mandaj Dios cancunata quishpichinga. Cunan punlla cancuna ricushca egipciocunataca cutinca ña manataj ashtahuan ricunguichijchu.

ÉXODO 18:15

Shina nijpi Moisesca paipaj suegrotaca: –Paicunaca Taita Diosta tapungapajmari ñucapajman shamuncuna.

EZEQUIEL 2:7

Paicuna uyachun, mana uyachunpish ñuca shimicunataca huillanguilla. Paicunaca yallitaj mana cazujcunami.

EZEQUIEL 3:17

“Huañujlla aichayuj runalla, cantaca israelcunata ricuj cachunmi churani. Cunanca ñuca imalla nishcata alli uyangui. Paicunamanca ñuca imalla nishcata huillashpa cunangui.

LEVÍTICO 24:12

Mandaj Dios imata ruranata huillangacamami, chai runataca carcelpi churarcacuna.

NÚMEROS 15:34

Chai runataca imata ruranata manaraj huillajpimi, paitaca carcelpi churarcacuna.

NÚMEROS 27:5

Moisesca chai huarmicuna mañashcataca Mandaj Diostami tapugrirca.

NÚMEROS 9:7

cashna nircacuna: –Ñucanchijmari huañushcapi tuparishcamanta mapa canchij. ¿Chaillamantachu caishuj israelcunahuan tandalla, Mandaj Dios mandashca punllapitaj paiman cunataca mana cushpa jarcashca cashun?– nircacunami.

NÚMEROS 9:9

Mandaj Diosca Moisestaca cashnami nirca:

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Hechos 20:27

Taita Dios imallata munashcataca, mana pacashpami tucuita huillarcani.

1 Corintios 11:23

Mandaj Jesusmanta ñuca chasquishcatami cancunamanpish yachachircani: Mandaj Jesusca, paita japichi tutallatajmi tandata japishpa,

1 Corintios 4:4

Ñuca yuyaipi ima mana allita rurashca mana tiyajpipish, cashcata rurajmi cangui nishcaca manaraj canichu. Ashtahuanpish ñuca ima shinalla cashcata ricuchijca Mandaj Jesusmi.