NÚMEROS 9:6 - Dios Rimashca Shimicunami

⁶ Chaipica huaquincunami huañushcapi tuparishcacuna chaipi carca. Paicunaca chai punllapica Pascua micuita mana micui tucurcacunachu. Chaimi Moisespaj, Aaronpaj ñaupajman chai punllallataj shamushpa,

NÚMEROS 9:6 Iomraidhean Croise

ÉXODO 18:15

Shina nijpi Moisesca paipaj suegrotaca: –Paicunaca Taita Diosta tapungapajmari ñucapajman shamuncuna.

ÉXODO 18:19

Ñuca yuyaita cushcacunata cunanca uyai. Taita Diosca canhuanmi canga. Canmari tucui israelcunapaj randi Taita Diospaj ñaupajpi shayarishpa tucui paicunapaj llaquicunata Taita Diosman huillana cangui.

ÉXODO 18:26

Paicunami israelcuna llaquicunata charijpica maijanpajlla ima shinalla cashcata ricuchijcuna carca. Uchilla llaquicunataca paicunallatajmi ima shina cashcata ricuchijcuna carca. Sinchi llaquicunahuan cajllapimi Moisespajman pushamujcuna carca.

LEVÍTICO 21:11

Maijan huañushca siricuj ucumanpish ama yaicuchun. Paipaj yayamanta cashpa, paipaj mamamanta cashpapish mana mapayanachu can.

LEVÍTICO 24:11

Chaipimi Israel huarmipaj churica, Mandaj Diosta c'amishpa paipaj shutita yanganchishpa rimarca. Chaimantami paitaca Moisespajman pusharcacuna. Chai runapaj mamaca, Danpaj aillumanta caj Dibri runapaj ushushi Selomitmi carca.

NÚMEROS 15:33

Yantata pallacujta japishpaca, Moisespaj, Aaronpaj, tucui israelcunapaj ñaupajmanmi pusharca.

NÚMEROS 19:11

Huañushcapi maijanpish tuparijca, canchis punllacamami mapa canga.

NÚMEROS 19:14

Maijanpish pai causacushca carpa huasillapitaj huañujpica, cashnami mandani: Mashna chai ucupi cajcunapish, pai huañushcata ricunaman chai carpa huasiman yaicujcunapish canchis punllacama mapami canga.

NÚMEROS 19:16

Huasicuna mana tiyanpi espadahuan huañuchishcapi, huañuna pajtajpi huañushcapi, huañushcapaj tullupi, huañushcata pambashcapi maijan cashpapish tuparijca canchis punllacama mapami canga.

NÚMEROS 19:18

Chai q'uipaca mapa illajlla runa hisopota japishpa chaita chai yacupi satishpa carpa huasi jahuatapish, chaipi tucui imalla tiyajcuna jahuatapish, chaipi caj gentecunapaj jahuatapish, huañushcapaj tullupi tuparijpaj jahuatapish, espadahuan huañuchijpi huañushca caj huañushcapi tuparijpaj jahuatapish, huañuna pajtajpi huañushca caj huañushcapi tuparijpaj jahuatapish, huañushcata pambashcapi tuparijpaj jahuatapish chai yacuhuan tsirapachun.

NÚMEROS 27:2

Dioshuan tupanacuna carpa huasi pungupi Moisespaj, Eleazar curapaj, israelcunata pushajcunapaj, tucui israelcunapaj ñaupajpi shayarishpa cashna nircacuna:

NÚMEROS 27:5

Moisesca chai huarmicuna mañashcataca Mandaj Diostami tapugrirca.

NÚMEROS 5:2

“Israelcunataca: Leprahuan cajcunatapish, yuraj yacu cacharirishpa ungushcacunatapish, huañushcapi tuparishcamanta mapayashcacunatapish cancuna causacun carpa huasicunamanta caruman churachun mandai.

NÚMEROS 9:7

cashna nircacuna: –Ñucanchijmari huañushcapi tuparishcamanta mapa canchij. ¿Chaillamantachu caishuj israelcunahuan tandalla, Mandaj Dios mandashca punllapitaj paiman cunataca mana cushpa jarcashca cashun?– nircacunami.

Juan 18:28

Tutamanta utcatami Jesustaca Caifaspaj huasimanta, Pilato mandashpa tiyana ucuman pushashpa rircacuna. Pascua micuita micunapaj, mana mapayashun nishpami, paicunaca, chai ucumanca mana yaicurcacuna.