NÚMEROS 9:23 - Dios Rimashca Shimicunami

²³ Mandaj Dios maipi tiyarichun mandajpica, chaipimi carpa huasicunata shayachishpa tiyarijcuna carca. Mandaj Dios shujtajman richij nishpa mandajpica, rijcunallami carca. Chashnami israelcunaca Mandaj Dios mandashcata pajtachijcuna carca. Mandaj Dios Moisesta ima shina mandachun nishca shinallatajmi rurarcacuna.

NÚMEROS 9:23 Iomraidhean Croise

GÉNESIS 26:5

Cambaj yaya Abraham ñuca rimashcata uyashpa ima shina causana shinataj causashcamanta, ñuca quillcachishcacunata, chaitataj pajtachichun nishcacunata, ñuca mandashcacunata cazushcamantami chashna rurasha” nircami.

SALMOS 107:7

Paimi paicunataca alli ñanta pusharca. Causanalla puebloman chayangacamami pusharca.

SALMOS 73:24

Ñucataca quiquin cunashcahuanmari pushahuarcangui. Q'uipataca quiquin sumaj cashcapimari chasquihuangui.

ÉXODO 17:1

Tandanacushca tucui israelcuna Sin nishca shitashca pambamanta rishpaca, Mandaj Dios mandashca shina asha ashata causashpa rishpaca, Refidimman chayashpami chaipi carpa huasicunata shayachishpa tiyarircacuna. Chaipica yacu mana tiyajpimi imata mana ubyai tucurcacuna.

ISAÍAS 63:14

Mandaj Diospaj Espirituca pugru pambapi animalcunata michingapaj pushaj shinami michirca” ningacunami. Cambaj shutica jatun cashcata ricuchingapajmi can agllashcacunataca chashna michircangui.

EZEQUIEL 44:8

Shinallataj imalla ñucapajlla cashcacunatapish, manamari ñucapajlla cashcataca yuyashpa huaquichircanguichijchu. Ashtahuanpish ñucapajlla huasipi ñuca mandashcacunata pajtachichunca shujtaj runacunatamari churarcanguichij ninmi ni” nircami.

ZACARÍAS 3:7

“Tucuita Mandaj Diosca cantaca cashnami nin: Ñuca yachachishcacunata, mandashcacunata punllanta allita rurashpaca, ñuca huasitaca canmi mandangui. Shinallataj huasi canllacunatapish canmi ricungui. Huasi ucupi imalla tiyajcunata caicunahuan ricuchunpish canmanmi cusha.

NÚMEROS 10:1

Mandaj Dios Moisesta mandashpaca cashnami nirca:

NÚMEROS 10:13

Israelcunaca, Mandaj Dios Moisesta ima shinalla rina cashcata mandashca shinaca, chaipimi punta cutin ri callarircacuna.

NÚMEROS 9:19

Mandaj Diospaj carpa huasi jahuapi achca punllacunata p'uyu tiyacujllapica, israelcunaca Dios mandashcata cazushpa mana mai shujtajpi tiyarigrijcunachu carca.

JOSUÉ 22:3

Cancunapaj huauquicunata mana saquishpami, cunan punllacama cai tucui unita caipi cashcanguichij. Mandaj Dios mandashcata cazushpami, chashna caipi canguichij.