NÚMEROS 9:22 - Dios Rimashca Shimicunami

²² Diospaj carpa huasi jahuapi caj p'uyu ishqui punllata chaipi cajpica chaitami chaipi cajcuna carca. Shuj quillata, mana cashpaca shuj huatata chai jahuapi cajpica, israelcunapish mana maiman rishpa chaillapitaj causacujllacunami carca. P'uyu ña rijpica, paicunapish rijllacunami carca.

NÚMEROS 9:22 Iomraidhean Croise

SALMOS 107:7

Paimi paicunataca alli ñanta pusharca. Causanalla puebloman chayangacamami pusharca.

SALMOS 143:10

Quiquinca ñuca Taita Diosmi cangui. Quiquinpaj munaita ruranata yachachihuayari. Quiquinpaj alli Espiritullataj ñucataca ima pandata mana rurajcunapaj llajtaman pushachun.

SALMOS 32:8

Shina nijpi Mandaj Diosca: Can mai ñancunallata purinataca ñucami entendichisha, ñucami yachachisha. Ñuca ñahuitaca canmanta manataj anchuchishachu.

SALMOS 48:14

Taita Diosca, ñucanchij Taita Diosmi. Huiñaimanta huiñaicama caj Diosmi. Huañushca q'uipapish paillatajmi huiñaicama pushacungalla.

SALMOS 73:24

Ñucataca quiquin cunashcahuanmari pushahuarcangui. Q'uipataca quiquin sumaj cashcapimari chasquihuangui.

SALMOS 77:20

Quiquinpaj cajcunataca ovejacunata shinami pushamurcangui. Moisespaj, Aaronpaj maquihuanmi pushamurcangui.

ÉXODO 39:42

Mandaj Dios Moisesta tucui imallata rurachun mandashca shinallatajmi israelcunaca tucuita rurarcacuna.

ÉXODO 40:16

Moisesca Mandaj Dios mandashca shinatajmi tucuita rurarca.

NÚMEROS 1:54

Mandaj Dios Moisesta mandashca shinallatajmi, israelcunaca tucuita rurarca.

NÚMEROS 8:20

Moisespish, Aaronpish, tandanacushca israelcunapish Mandaj Dios Moisesta ima shina mandashca shinallatajmi levitacunataca imalla ruranacunapi churarca. Chashnami israelcunaca levitacunataca rurarca.

NÚMEROS 9:17

Diospaj carpa huasi jahuamanta p'uyu rijpica, israelcunapish rijllacunami carca. Chai p'uyu maipi shayarijpica, israelcunapish chaipimi paicunapaj carpa huasicunata shayachishpa tiyarijcuna carca.

NÚMEROS 9:21

Huaquinpica Diospaj carpa huasi jahuapi caj p'uyu chishimanta cayandij tutamantacamalla cashpa chai tutamanta p'uyu ña ri callarijpica, paicunapish rijllacunami carca. Mana cashpaca Diospaj carpa huasi jahuapi caj p'uyu shuj punllallata cainashpa ña tutayajpi ri callarijpica, rijllacunami carca.

Hechos 1:4

Jesusca paicunahuan cashpaca, cashna nishpami mandarca: –Jerusalenmantaca amaraj ringuichij. Ñuca sarunman huillashca shinallataj ñuca Yaya cusha nishca jucha illaj Espíritu shamungacama shuyanguichij.