NÚMEROS 9:18 - Dios Rimashca Shimicunami

¹⁸ Israelcunaca Mandaj Dios shujtajman rinami canguichij nijpica, rijcunallami carca. Mandaj Dios maipi tiyarichun nijpica, chaipimi tiyarijcuna carca. Diospaj carpa huasi jahuamanta p'uyu mana rijpica, chaillapitaj causacujllacunami carca.

NÚMEROS 9:18 Iomraidhean Croise

ÉXODO 17:1

Tandanacushca tucui israelcuna Sin nishca shitashca pambamanta rishpaca, Mandaj Dios mandashca shina asha ashata causashpa rishpaca, Refidimman chayashpami chaipi carpa huasicunata shayachishpa tiyarircacuna. Chaipica yacu mana tiyajpimi imata mana ubyai tucurcacuna.

NÚMEROS 10:13

Israelcunaca, Mandaj Dios Moisesta ima shinalla rina cashcata mandashca shinaca, chaipimi punta cutin ri callarircacuna.

NÚMEROS 9:16

Chashnami carpa huasitaca punllaca p'uyu tapaj carca. Tutaca, nina lunyacujtajlla caj carca.

NÚMEROS 9:19

Mandaj Diospaj carpa huasi jahuapi achca punllacunata p'uyu tiyacujllapica, israelcunaca Dios mandashcata cazushpa mana mai shujtajpi tiyarigrijcunachu carca.

NÚMEROS 9:20

Diospaj carpa huasi jahuapi p'uyu asha punllacunallata cajpica, israelcunapish Mandaj Dios mandashca shinallataj asha punllacunallatami chaipi caj carca. Mandaj Dios richun nijpica, rijcunallami carca.

1 Corintios 10:1

Huauquicuna, ñucanchij yayacunaca tucuicuna p'uyu pacashca cashcata, mama cuchatapish tucuicuna ch'imbashcataca mana yachashca shina cachunca mana munanichu.

2 Juan 1:6

C'uyajtajca Dios mandashcacunata cazunami. Callarimanta cancuna uyashca shinallataj Dios mandashca shina caishuj chaishuj c'uyanacushpa causanami.