NÚMEROS 9:17 - Dios Rimashca Shimicunami

¹⁷ Diospaj carpa huasi jahuamanta p'uyu rijpica, israelcunapish rijllacunami carca. Chai p'uyu maipi shayarijpica, israelcunapish chaipimi paicunapaj carpa huasicunata shayachishpa tiyarijcuna carca.

NÚMEROS 9:17 Iomraidhean Croise

SALMOS 32:8

Shina nijpi Mandaj Diosca: Can mai ñancunallata purinataca ñucami entendichisha, ñucami yachachisha. Ñuca ñahuitaca canmanta manataj anchuchishachu.

SALMOS 73:24

Ñucataca quiquin cunashcahuanmari pushahuarcangui. Q'uipataca quiquin sumaj cashcapimari chasquihuangui.

ÉXODO 17:1

Tandanacushca tucui israelcuna Sin nishca shitashca pambamanta rishpaca, Mandaj Dios mandashca shina asha ashata causashpa rishpaca, Refidimman chayashpami chaipi carpa huasicunata shayachishpa tiyarircacuna. Chaipica yacu mana tiyajpimi imata mana ubyai tucurcacuna.

ISAÍAS 49:10

Chaipica yaricaipish, yacunaipish mana japingachu. Intipish mana t'itashpa llaquichingachu. Paicunata llaquij Diosmari tucuimanta huaquichinga. Pajchacuj yacucunamanmi pushanga.

NÚMEROS 9:22

Diospaj carpa huasi jahuapi caj p'uyu ishqui punllata chaipi cajpica chaitami chaipi cajcuna carca. Shuj quillata, mana cashpaca shuj huatata chai jahuapi cajpica, israelcunapish mana maiman rishpa chaillapitaj causacujllacunami carca. P'uyu ña rijpica, paicunapish rijllacunami carca.

Juan 10:9

Ñucaca pungumi cani: Maijanpish ñucamanta yaicujca quishpichishcami canga. Paica yaicui tucunmi, llujshi tucunmi, micunatapish charingami.