NÚMEROS 9:15 - Dios Rimashca Shimicunami

¹⁵ Diospaj carpa huasita ña shayachijpica, chai punllatajmi Dios chaipi cashcata ricuchij chai huasi jahuataca p'uyu taparca. Tutayajpica, Diospaj carpa huasi jahuapica nina lunyacujtajllami cayandij tutamantacama carca.

NÚMEROS 9:15 Iomraidhean Croise

NEHEMÍAS 9:12

Punllaca suni p'uyuhuanmi ñauparcangui. Tutaca lunyacuj ninahuanmi ñauparcangui. Paicuna maillata rina ñanta achijyachingapajmi chashna rurarcangui.

NEHEMÍAS 9:19

quiquinca yallitaj llaquij cashcamantami, chai shitashca pambapi mana saquishcangui. Ashtahuanpish paicuna rina ñanta pushachunca punllaca suni p'uyumi paicunamantaca mana anchurca. Paicuna rina ñanta achijyachichunca tutaca lunyacuj ninami paicunamantaca mana anchurirca.

SALMOS 105:39

Taita Diosca israelcunata tapachunca p'uyutami cacharca. Tutata achijyachichunca ninatami churarca.

SALMOS 78:14

Punllaca p'uyuhuan ñaupashpami pusharca. Tutaca ninahuan achijyachishpami pusharca.

ÉXODO 13:21

Mandaj Diosca israelcunata ñaupashcami rirca. Punllaca suni p'uyuhuanmi paicuna rina ñanta ñauparca. Tutaca lunyacuj ninahuanmi achijyachishpa ñauparca. Punllapish, tutapish richunmi chashna ñauparca.

ÉXODO 13:22

Punllacunaca suni p'uyumi israelcunapaj ñaupajmantaca manataj anchurca. Tutaca lunyacuj ninami paicunapaj ñaupajmantaca manataj anchurca.

ÉXODO 14:24

Chai tuta ña pacaricuitami Mandaj Diosca lunyacuj ninamanta, suni p'uyumanta ricurishpa, Egipto soldadocunataca tucui muspachishpa,

ÉXODO 40:2

“Mandaj Dioshuan tupanacuna chai carpa huasitaca huata callari punta quillapaj punta punllami shayachina cangui.

ÉXODO 40:34

Dioshuan tupanacuna carpa huasitaca p'uyumi taparca. Diospaj carpa huasipica, Mandaj Diospaj achij nicujmi jundarca.

ÉXODO 40:35

Dioshuan tupanacuna carpa huasitaca p'uyu tupashca, chai ucupipish Mandaj Diospaj achij nicuj junda cashcamantami Moisesca mana yaicui tucurca.

ÉXODO 40:38

Mandaj Diospaj carpa huasi jahuapica, punllaca Mandaj Diospaj p'uyumi caj carca. Tutaca Mandaj Diospaj ninami caj carca. Tucui israelcuna ricucuitami chashna caj carca. Israelcunataca tucui paicuna purinapimi chashna pushamurca.

ISAÍAS 4:5

Mandaj Diosca, Sión urcu jahuapi causajcunapaj huasicuna jahuapi, chaipi tandanacushcacunapaj jahuapica punllaca amsa p'uyutami churanga. Tutaca nina lunyacuj achij nicujtami churanga. Tucui chaicunapaj jahuapica Jatun Diosmi paipaj sumaj cashcahuan carpa shina llandushca canga.

NÚMEROS 10:34

Israelcuna puri callarincami, Mandaj Diospaj p'uyuca punllanta paicunapaj jahuata rirca.

NÚMEROS 14:14

cai Canaán llajtapi causajcunaman huillangacunamari. Canaanpi causajcunaca israelcunapaj chaupipica quiquin Mandaj Dios cashcatami uyashcacuna. Mandaj Dios quiquinca israelcunaman ñahui ñahui ricurishcatapish, quiquinpaj p'uyu israelcunapaj jahuapi cashcatapish, israelcunapaj puntapica punllaca shuj suni p'uyupi, tutaca lunyacuj suni ninapi quiquin ñaupashpa pushacushcatapishmi yachashcacuna.

NÚMEROS 17:7

Moisesca chai tauna caspicunataca, Mandaj Diospaj carpa huasipi, Mandaj Diospaj ñaupajpimi churarca.

1 Corintios 10:1

Huauquicuna, ñucanchij yayacunaca tucuicuna p'uyu pacashca cashcata, mama cuchatapish tucuicuna ch'imbashcataca mana yachashca shina cachunca mana munanichu.

DEUTERONOMIO 1:33

Paimi cancuna maipi carpacunata shayachishpa tiyarinata ricuchingapajca ñanta ñaupashpa mashcashpa shamuj carca. Paica tutaca ninahuan, punllaca p'uyuhuanmi cancuna maita rina ñanta ricuchishpa ñaupaj carca.