NÚMEROS 9:14 - Dios Rimashca Shimicunami

¹⁴ “Cancunahuan causacuj mana israelcuna Mandaj Diosta yuyarishpa Pascua micuita rurashpaca, Pascua micuita ima shinalla rurana cashca shinataj rurachun. Cancunaman cushca mandashcapi ima shinalla ruranata mandashca shinataj rurachun. Israelcuna cashpapish, mana israelcuna cashpapish Pascua micuita ima shinalla ruranataca chai mandashcallatatajmi charinguichij” nircami.

NÚMEROS 9:14 Iomraidhean Croise

ESDRAS 6:21

Chai Pascua punlla jatun micuitaca, prezu apashcamanta tigramushcacunami tandanacushpa micurcacuna. Judá llajtapi causacushcacunapish millaita ruracushcamanta ch'icanyashpami israelcunata Mandaj Diosman cutirircacuna. Chaicunandij tandanacushpami micurcacuna.

ÉXODO 12:43

Mandaj Diosca Moisesta, Aarontaca: “Cai mandashcacunaca Pascua micuimanta mandashcami. Pascua micuitaca mana Israel cajca pipish mana micungallachu.

ÉXODO 12:47

Tucui israelcunami chashna rurana can.

LEVÍTICO 19:10

Uva chagrapi uvata pallashpapish ama mashcashpurishpa pallangui. Pambapi urmashcatapish ama pallangui. Chaicunataca huajchacunapish, caru llajtamanta shamushcacunapish ch'alachun saquingui. Ñucami Mandaj Dios cancunapaj Taita Dios cani.

LEVÍTICO 22:25

Mana israelcunapajtaca chai shina animalcunata cancunapaj Taita Diosman cungapaj apamujpica ama japinguichijchu. Imapish tucushca animalcunataca imapish tucushca cashcamanta mana chasquingachu ninmi ni” nircami.

LEVÍTICO 24:22

Israelcunapajpish, mana israelcunapajpish chaitataj pajtachichun mandashcacunaca chai mandashcacunallatajmi canga. Ñucami Mandaj Dios cancunapaj Dios cani” nircami.

LEVÍTICO 25:15

imamantapish cacharirina huatapaj mashna huata illashcata yupashpa pagachun. Shinallataj c'atujpish mashna huatahuan tarpungapaj cashcata yupashpa ricushpalla c'atuchun.

NÚMEROS 15:15

Israelcuna cashpapish, cancunahuan causacuj mana israelcuna cashpapish ima shinalla rurashpa pajtachinataca chai shina mandashcallatajmi charinguichij. Chaitaca cancunapaj huahua huahuacunapish, cancunahuan causacuj mana israelcunapaj huahua huahuacunapish chai shinallataj ruracuchunlla. Chashna rurashpami mana israelcunaca, cancuna shinallataj Mandaj Diospaj ñaupajpica cangacuna.

NÚMEROS 15:16

Israelcuna cashpapish, cancunahuan causacuj mana israelcuna cashpapish chai shinallataj mandashcata, chai shinallataj rurashpa pajtachinatami charinguichij” nircami.

DEUTERONOMIO 29:11

cancunapaj huahuacunapish, cancunapaj huarmicunapish, shujtaj llajtamanta shamushpa cancunapaj carpa huasicuna chaupipi causajcunapish, yantajcunamanta callarishpaca yacuta ashtajcunacamami caipi canguichij.

DEUTERONOMIO 31:12

Cai mandashcata uyashpa Mandaj Dios cancunapaj Taita Diosta manchanata yachachun, cai mandashcapi tucui imalla nishcacunata chai yuyailla tucushpa pajtachijcuna cachunca, tucui c'aricunata, huarmicunata, huahuacunata, cancunapaj pueblocunapi causaj shujtaj llajtamanta cajcunata tandachinguichij.