NÚMEROS 9:13 - Dios Rimashca Shimicunami

¹³ Maijanpish manapish mapayashca cashpa, mana cashpaca maimanpish mana rishca cashpa chaillapitaj cashca jahua Pascua micuita mana rurajtaca, israelcunapuramanta anchuchishca cachun. Mandaj Dios mandashca punllapitaj Mandaj Diosman cuna cashcata mana cushpa juchallishcamantaca, chai juchamantaca llaquita apangatajmi.

NÚMEROS 9:13 Iomraidhean Croise

GÉNESIS 17:14

Maijan cashpapish pai charishca aicha mirga carata mana p'itichijca, ñucahuan ari ninacushcata p'aquishcamanta cancunapuramanta anchuchishca cachun– nircami.

ÉXODO 12:15

Canchis punllacunapica levadura illajlla tandatami micuna canguichij. Chai punllacunapica punta punllamanta pacha tucuri punllacama cancunapaj huasicunamantaca levaduracunata anchuchinguichij. Maijanpish chai canchis punllacunapi maijan punllapi levadurayuj tandata micujca, israelcunapuramanta anchuchishcami canga.

ÉXODO 12:19

Chai canchis punllacunapica cancunapaj huasicunapica levaduraca mana ricurinachu can. Maijanpish levadurahuan p'unguillichishcacunata micujcunaca israelcuna cashpapish, mana israelcuna cashpapish israelcunapuramantaca anchuchishcami canga.

ÉXODO 12:47

Tucui israelcunami chashna rurana can.

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

ÉXODO 30:38

Maijanpish can rurashca shina inciensota mutquingapaj rurajca israelcunapuramanta anchuchishcami canga” nircami.

EZEQUIEL 23:49

Cancunallataj millaita rurashcamanta rurashcalla dioscunahuan huainayashpa juchallishcamantaca, japina cashcataca japinguichijmi. Chashna llaquichijtataj ricushpami ñucataca, Mandaj Jatun Diostaj cashcataca yachanguichij” nircami.

LEVÍTICO 17:10

Maijan israelcuna cashpa mana cashpaca paicunapurapi causaj mana israelcuna cashpa ima animalpaj yahuarta micujpica ñucaca paihuan p'iñarishpa, paitaca israelcunapuramanta anchuchishami.

LEVÍTICO 17:4

Mandaj Dioshuan tupana carpa huasiman Mandaj Diospaj ñaupajman mana apashpa chaipi mana cungaraicu paicuna causacunpi huañuchishpaca chai yahuarmantaca mandashcata mana pajtachishcamanta juchayujmi canga. Chai yahuarmantaca chai runaca israelcunapuramanta anchuchishcami canga.

LEVÍTICO 20:20

Maijanpish paipaj yayapaj huauquipaj huarmihuan dormijca paipaj yayapaj huauqui llatanashpa ricunatami ricun. Juchayujmi tucunga. Huahuacuna illajmi huañungacuna.

LEVÍTICO 22:9

Ñuca mandashcacunata huaquichinguichij. Chai mandashcacunata, yanganchishpaca cancunallataj juchayuj tucushpami chaimantaca huañunguichij. Ñucami cancunata ima jucha illajta ruraj Mandaj Dios cani.

LEVÍTICO 24:15

Shinallataj tucui israelcunamanca cashna nishpa huillangui: Maijanpish Taita Diospaj shutita c'amijca juchayujmi tucunga.

NÚMEROS 19:13

Huañushcapi maijan cashpapish tuparishpa mapayashcamanta mapa illajllata rurana yacuhuan mana mapa illajlla tucujca, Mandaj Diospaj carpa huasitami mapayachin. Chai runataca israelpuramanta anchuchishca cachun. Mapa illajllata rurana yacuhuan paipaj jahuata mana tsirapachishca cashcamanta paica mapami canga. Paica mapallatajmi saquiringa.

NÚMEROS 19:20

Maijanpish mapayashca cashca jahua, mapa illajllata rurana yacuhuan mana mapa illajlla tucujca, Mandaj Diospaj carpa huasitami mapayachin. Chashna cashcamanta paitaca tandanacushca israelcunamanta anchuchishca cachun. Mapa illajllata rurana yacuhuan paipaj jahuata mana tsirapachishca cashcamanta paica mapami.

NÚMEROS 5:31

Huarmillataj mana alli cajpi shujtajhuanmi yuyashpa juchachishcamantaca, cusaca mana llaquita apangachu. Huarmimi llaquita apanga nircami.

NÚMEROS 9:7

cashna nircacuna: –Ñucanchijmari huañushcapi tuparishcamanta mapa canchij. ¿Chaillamantachu caishuj israelcunahuan tandalla, Mandaj Dios mandashca punllapitaj paiman cunataca mana cushpa jarcashca cashun?– nircacunami.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

Hebreos 2:3

Shina cajpica, quishpichij cachun cushcaca tucuimanta yalli jatunmari. Chaita mana chasquishpa saquishpaca ¿ima shinataj ñucanchijca quishpirishun? Chaitaca, Mandaj Jesusrajmi huillarca. Chaita uyajcunami ñucanchijmanca chashnataj cashcata huillarcacuna.

Hebreos 6:6

Chashna cai tucuita yachashca jahua, ña mana catishachu nishpa saquirishpaca, cutin alli tucungapajca Diospajmanca, ña mana cutinca tigrari tucunchu. Chashna tucushpaca, paicunallatajmari Diospaj Churitaca, tucuicunapaj ñaupajpi pugllashpa cutin chacatacuj shina rurancuna.

Hebreos 9:28

Cristoca achcacunapaj juchacunata anchuchingapajmi, shuj cutinlla huañurca. Q'uipata cutin shamushpaca, mana juchata anchuchingapajchu shamunga. Ashtahuanpish paita shuyajcunata quishpichingapajmi shamunga.