NÚMEROS 8:21 - Dios Rimashca Shimicunami

²¹ Levitacunaca mapa illajllami tucurcacuna. Paicunapaj churanacunatapish tajsharcami. Chaipimi Aaronca levitacunataca israelcunapaj ofrenda cachun Mandaj Diospaj ñaupajpi churarca. Paicuna mapa illajlla cachunca juchamanta Diosman cuna cashcatami curca.

NÚMEROS 8:21 Iomraidhean Croise

ÉXODO 19:10

Mandaj Diosca Moisestaca: –Israelcunapajman ri, paicunataca ñucapajlla cachun cunanpish cayapish chuyayachigri. Paicunapaj churanacunatapish tajshashpa,

LEVÍTICO 14:11

Mapa illajllata ruracuj curami lepra ungüimanta alliyashcamanta mapa illajlla tucucujtapish, mapa illajllata rurangapaj cunapaj apamushcacunatapish Mandaj Dioshuan tupana carpa huasi pungupi Mandaj Diospaj ñaupajpi churanga.

NÚMEROS 19:12

Chai runaca mapayashca quimsa punllapi mapa illajllata rurana yacuhuan mapa illajlla tucuchun. Canchis punlla tucujpipish chai yacuhuan mapa illajlla tucuchun. Chaipimi paica mapa illaj tucunga. Chai punllacunapi chai yacuhuan mana mapa illajlla tucushpaca mapallatajmi canga.

NÚMEROS 19:19

Mapa illajlla runaca mapayashca runataca mapayashcamanta quimsa punlla tucujpipish, canchis punlla tucujpipish mapa illajllata rurana yacuhuan tsirapachun. Mapayashca runaca canchis punllapi ña mapa illajlla tucushpaca paipaj churanacunatapish tajshachun, paipaj cuerpotapish armachun. Paica tutayaitami mapa illajlla canga.

NÚMEROS 3:12

“Israelcunapurapi paicunapaj tucui punta churicunaca ñucapajmi. Tucui israelcunapaj punta churicunata ñuca japinapaj randica, tucui levitacunatami ñucapaj cachun japircani.

NÚMEROS 8:15

Mapa illajllata rurashpa can ñucaman cushca q'uipaca, levitacunaca Dioshuan tupanacuna carpa huasipi Diospajta ruranata callarichunlla.

NÚMEROS 8:20

Moisespish, Aaronpish, tandanacushca israelcunapish Mandaj Dios Moisesta ima shina mandashca shinallatajmi levitacunataca imalla ruranacunapi churarca. Chashnami israelcunaca levitacunataca rurarca.

NÚMEROS 8:22

Chai q'uipami levitacunaca, Mandaj Dioshuan tupanacuna carpa huasipi Aaronpish, paipaj churicunapish imallata ruranata mandashca shina rurashpa Mandaj Diospajta rurai callarircacuna. Mandaj Dios Moisesta levitacunata imallata ruranapi churachun mandashca shinallatajmi paicunataca churarca. Chashnami rurarca.

NÚMEROS 8:7

Mapa illajlla cachunca cashna rurangui: Mapa illajllata ruraj yacuta paicunapaj jahuata tsirapangui. Paipaj tucui cuerpotapish cuchillohuan rasparichun, churanacunatapish tajshachun mandangui. Chashnami mapa illajlla tucunga.